Foto: ©RIA Novosti
Syrtqy ister ministrligi Reseidegi oqiǵalar fonynda qazaqstandyqtardy evakýatsiialaý qajettiligin baǵalady, - dep habarlaidy Tengrinews.kz saity.
QR Syrtqy ister ministrliginiń resmi ókili Aibek Smadiiarov eki el arasyndaǵy shekaranyń ashyq ekenin jáne Reseide eshqandai soǵys jariialanbaǵanyn atap ótti.
"Reseidegi jaǵdaiǵa bailanysty elge qaitqysy kelgen stýdentter boldy. Keiingi 2-3 kúnde azamattarymyzdy nege evakýatsiialamaisyzdar degen suraqtar kóp qoiyldy. Eki el shekarasy ashyq, Reseide eshqandai soǵys jariialanǵan joq dep jaýap beremin. Áýe qozǵalysy da qalypty jumys istep tur, poiyzdar men kólikter júrip jatyr. Ár adamnyń óz erki bar. Bul - bizdiń azamattardy evakýatsiialaityn jaǵdai emes", - dedi ol.
Onyń aitýynsha, biylǵy birinshi toqsanda Reseidiń kóshi-qon qyzmetine 110 myńnan asa qazaqstandyq tirkelgen, onyń 65 myńnan astamy - stýdentter.
