Niý-Iorktegi qandy oqiǵadan zardap shekkenderdiń arasynda Qazaqstan azamattary joq. Bul jaiynda elimizdiń Syrtqy ister ministrliginiń baspasóz hatshysy Ənýar Jainaqov Feisbýktegi paraqshasynda jazdy, dep habarlaidy "Ult Aqparat".
"Osy ýaqytqa deiingi məlimetterge səikes Niý-Iork qalasynda júk kóliginiń bir top jaiaý júrginshini basyp ketýinen qaza tapqandardyń jáne zardap shekkenderdiń arasynda Qazaqstan azamattary joq. Qazaqstandyq diplomattar osy ahýaldy baqylaýdy jalǵastyrýda", - dep jazdy Jainaqov.
Eske sala ketsek, júk kóliginiń júrgizýshisi - Ózbekstan azamaty 29 jastaǵy Sýifýlo Saipov velosipedshiler jolaǵyna túsip, joldaǵylardyń bárin qasaqana basqan. Kúdikti qamaýǵa alyndy.
«Qazirgi ýaqytta bolǵan tótenshe oqiǵadan 8 adam mert bolyp, 15 adam jaraqat aldy», - dedi megapolis meri Bill de Blazio baspasóz máslihatynda.
Kolýmbiianyń federaldyq okrýginiń politsiiasy qala turǵyndaryna barynsha abai bolyp, eger kúdikti jaittardy baiqaǵan kezde quqyq qorǵaý organdaryna habar berýge keńes berdi.
