Qazaqstan Premer-Ministriniń orynbasary – Syrtqy ister ministri Muhtar Tileýberdi Human Rights Watch halyqaralyq úkimettik emes uiymynyń atqarýshy direktory Kennet Rotpen beinekonferentsiia formatynda kezdesý ótkizdi. Bul týraly QR SIM baspasóz qyzmeti habarlady.
Taraptar Qazaqstandaǵy «Qasiretti qańtar» oqiǵalary aiasynda adam quqyqtary salasyndaǵy halyqaralyq normalar men standarttardy saqtaý máselelerin talqylady.
«Qazaqstan Prezidentiniń tapsyrmasyna sáikes, memlekettiń quqyq qorǵaý organdary qarýly tártipsizdikterge elimizdiń zańnamasyna sáikes beitarap tergeý júrgizýdi tolyq qamtamasyz etýi tiis», - dedi Syrtqy ister ministri.
Óz kezeginde K. Rot «biz Qazaqstan biliginiń dialog pen yntymaqtastyqqa ashyqtyǵyn jáne adam quqyqtarynyń halyqaralyq standarttaryn saqtaý jónindegi mindettemelerin rastaýyn quptaimyz», - dep atap ótti.
Kezdesý barysynda QR Syrtqy ister ministrligi men Human Rights Watch uiymynyń qańtar oqiǵalaryn obektivti tergeýge múddeli ekeni atap ótildi. M.Tileýberdi qazaqstandyq tergeý organdary azamattarymyz ben halyqaralyq qaýymdastyqty alańdatyp otyrǵan árbir naqty jaǵdaidy qarastyrýǵa daiyn ekenin rastady.
Kezdesý qorytyndysy boiynsha adam quqyqtaryn saqtaý máseleleri jóninde jumys bailanystary men mazmundy dialogty jalǵastyrý týraly ýaǵdalastyqqa qol jetkizildi.
