قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ Human Rights Watch حالىقارالىق ٷكٸمەتتٸك ەمەس ۇيىمىنىڭ اتقارۋشى ديرەكتورى كەننەت روتپەن بەينەكونفەرەنتسييا فورماتىندا كەزدەسۋ ٶتكٸزدٸ. بۇل تۋرالى قر سٸم باسپاسٶز قىزمەتٸ حابارلادى.
تاراپتار قازاقستانداعى «قاسٸرەتتٸ قاڭتار» وقيعالارى اياسىندا ادام قۇقىقتارى سالاسىنداعى حالىقارالىق نورمالار مەن ستاندارتتاردى ساقتاۋ مەسەلەلەرٸن تالقىلادى.
«قازاقستان پرەزيدەنتٸنٸڭ تاپسىرماسىنا سەيكەس, مەملەكەتتٸڭ قۇقىق قورعاۋ ورگاندارى قارۋلى تەرتٸپسٸزدٸكتەرگە ەلٸمٸزدٸڭ زاڭناماسىنا سەيكەس بەيتاراپ تەرگەۋ جٷرگٸزۋدٸ تولىق قامتاماسىز ەتۋٸ تيٸس», - دەدٸ سىرتقى ٸستەر مينيسترٸ.
ٶز كەزەگٸندە ك. روت «بٸز قازاقستان بيلٸگٸنٸڭ ديالوگ پەن ىنتىماقتاستىققا اشىقتىعىن جەنە ادام قۇقىقتارىنىڭ حالىقارالىق ستاندارتتارىن ساقتاۋ جٶنٸندەگٸ مٸندەتتەمەلەرٸن راستاۋىن قۇپتايمىز», - دەپ اتاپ ٶتتٸ.
كەزدەسۋ بارىسىندا قر سىرتقى ٸستەر مينيسترلٸگٸ مەن Human Rights Watch ۇيىمىنىڭ قاڭتار وقيعالارىن وبەكتيۆتٸ تەرگەۋگە مٷددەلٸ ەكەنٸ اتاپ ٶتٸلدٸ. م.تٸلەۋبەردٸ قازاقستاندىق تەرگەۋ ورگاندارى ازاماتتارىمىز بەن حالىقارالىق قاۋىمداستىقتى الاڭداتىپ وتىرعان ەربٸر ناقتى جاعدايدى قاراستىرۋعا دايىن ەكەنٸن راستادى.
كەزدەسۋ قورىتىندىسى بويىنشا ادام قۇقىقتارىن ساقتاۋ مەسەلەلەرٸ جٶنٸندە جۇمىس بايلانىستارى مەن مازمۇندى ديالوگتى جالعاستىرۋ تۋرالى ۋاعدالاستىققا قول جەتكٸزٸلدٸ.
