SIM: Koreiadaǵy qaqtyǵystan zardap shekken qazaqstandyq joq

Foto:Yonhap
Koreiadaǵy qaqtyǵystan zardap shekken qazaqstandyq joq. Bul týraly QR Syrtqy ister ministriniń orynbasary Álibek Baqaev málimdedi, dep habarlaidy ULT.KZ. 

"Kez kelgen memlekette bizdiń elshilikterimiz azamattarymyzben árqashan bailanysta bolady. Jalpy Ońtústik Koreiadaǵy bul saiasi másele óziniń sheshimin taýyp otyr. Bizdiń syrtqy saiasatymyzǵa sáikes basqa memleketterdiń ishki saiasattaryna kilikpeimiz, eshqandai baǵa bermeimiz. Bizdiń maqsatymyz Koreiada turatyn azamattarymyzdy qorǵaý.  Ózderińiz biletindei bizde Koreiamen vizasyz rejim ornatylǵandyqtan qazir Qazaqstan Respýblikasy azamattarynyń sany Koreiada 30 myńnan asady. Aita ketetin bir jai, bizdiń keibir azamattarymyz migratsiia zańyn buzyp júr. Kez kelgen elde mundai jaǵdai (Koreiadaǵy qaqtyǵys siiaqty, red.) bolǵan jaǵdaida Qazaqstan elshilikteri WhatsApp arqyly, telegram arqyly, sait arqyly  azamattarymyzben bailanysta bolady jáne biz birden aqparat beremiz, aqparatpen birge usynys ta beremiz", -dedi Álibek Baqaev .