Foto: ozgeris.info
Bul týraly SIM resmi ókili Aibek Smadiiarov aitty, dep habarlaidy BAQ.KZ tilshisi.
Elimizde ótken Kóshpendiler oiyndarynda Qyrǵyzstanmen keleńsiz jaǵdai boldy... Osyǵan bailanysty Syrtqy ister ministrliginen qandai da bir hat boldy ma? - dep surady jýrnalister.
Syrtqy ister ministrliginiń resmi ókili Aibek Smadiiarov Qyrǵyzstan bizdiń baýyrlas kórshimiz ekenin aitty.
Joq, bul – bizdiń baýyrlas el, olarmen baýyrlastyq qarym-qatynastamyz. Sport salasynda daý týyndasa, ol tek sport, saiasat emes. Biz ǵasyrlar boiy kórshimiz jáne bolashaqta da kórshi bolyp qala beremiz, - dedi ol brifingte.
Onyń aitýynsha, sporttaǵy emotsionaldyq minez-qulyq elderimizdiń qarym-qatynasyna áser etpeidi.
Emotsionaldy minez-qulyq úlken másele bolmaidy. Bul qarym-qatynasqa eshqandai áser etpeidi. Bul bir ǵana oiyn jáne onyń nátijesimen qarym-qatynasymyzdy tolyǵymen syzyp tastaý jaqsy ideia emes, - deidi Smadiiarov.
