Elimizdegi Aýǵanstan memleketiniń elshiligi jumysyn jalǵastyra beredi. Bul týraly QR Syrtqy ister ministrliginiń resmi ókili Aibek Smadiiarov málim etti, dep habarlaidy "Ult aqparat".
Tilshiler QR Syrtqy ister ministrligine «Qazaqstanda turyp jatqan Aýǵanstan azamattarynyń taǵdyry ne bolady? Onyń ishinde el aýmaǵynda bolý merzimi bitetin aýǵan azamattary men stýdentter de bar», - degen saýal qoidy.
Óz kezeginde QR Syrtqy ister ministrliginiń resmi ókili Aibek Smadiiarov Qazaqstandaǵy Aýǵanstan elshiligi óz qyzmetin jalǵastyryp jatqanyn jetkizdi.
«Qazaqstan aýmaǵyndaǵy Aýǵanstan azamattary eline oralýǵa qatysty suraqqa jaýapty elordadaǵy óz elshilikterinen bile alady. Azamattar júgingen jaǵdaida Qazaqstandaǵy Aýǵanstan elshiligi máseleni bizdiń quzyrly organdarmen birlesip qarastyrady. Al Qazaqstan aýmaǵynda resmi qyzmet etip nemese bilim alyp jatqan aýǵan azamattary jumysy men oqýyn jalǵastyra beredi», - dep jaýap berdi Smadiiarov.
Sonymen qatar, ministrlik ókili Aýǵanstandaǵy máselege qatysty suraqtardyń jaýabyn elshilik qyzmetkerlerinen bilýge bolatynyn aitty.
