ەلٸمٸزدەگٸ اۋعانستان مەملەكەتٸنٸڭ ەلشٸلٸگٸ جۇمىسىن جالعاستىرا بەرەدٸ. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى "ۇلت اقپارات".
تٸلشٸلەر قر سىرتقى ٸستەر مينيسترلٸگٸنە «قازاقستاندا تۇرىپ جاتقان اۋعانستان ازاماتتارىنىڭ تاعدىرى نە بولادى? ونىڭ ٸشٸندە ەل اۋماعىندا بولۋ مەرزٸمٸ بٸتەتٸن اۋعان ازاماتتارى مەن ستۋدەنتتەر دە بار», - دەگەن ساۋال قويدى.
ٶز كەزەگٸندە قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قازاقستانداعى اۋعانستان ەلشٸلٸگٸ ٶز قىزمەتٸن جالعاستىرىپ جاتقانىن جەتكٸزدٸ.
«قازاقستان اۋماعىنداعى اۋعانستان ازاماتتارى ەلٸنە ورالۋعا قاتىستى سۇراققا جاۋاپتى ەلورداداعى ٶز ەلشٸلٸكتەرٸنەن بٸلە الادى. ازاماتتار جٷگٸنگەن جاعدايدا قازاقستانداعى اۋعانستان ەلشٸلٸگٸ مەسەلەنٸ بٸزدٸڭ قۇزىرلى ورگاندارمەن بٸرلەسٸپ قاراستىرادى. ال قازاقستان اۋماعىندا رەسمي قىزمەت ەتٸپ نەمەسە بٸلٸم الىپ جاتقان اۋعان ازاماتتارى جۇمىسى مەن وقۋىن جالعاستىرا بەرەدٸ», - دەپ جاۋاپ بەردٸ سماديياروۆ.
سونىمەن قاتار, مينيسترلٸك ٶكٸلٸ اۋعانستانداعى مەسەلەگە قاتىستى سۇراقتاردىڭ جاۋابىن ەلشٸلٸك قىزمەتكەرلەرٸنەن بٸلۋگە بولاتىنىن ايتتى.
