"Qazaq qyzdaryn syndyrý" kýrsyn ótkizbek bolǵan reseilik Aleks Leslidiń (Aleksandr Kirillov) aitqan sózderin Qazaqstannyń Syrtqy ister ministrligi tekseredi. Bul týraly SIM orynbasary Roman Vasilenko aitty, - dep habarlaidy Massaget.kz agenttigi.
Elimizdiń syrtqy saiasi vedomstvosy Kirillovtyń málimdemesin muqiiat zerdelep, sharalar qabyldamaq.
"Mundai jaǵdaida ol adamnyń Qazaqstanǵa kirýine tyiym salýdan bastap qai eldiń azamaty bolsa, sol eldiń shara qoldanýyna deiin barady. Meniń túsinýimshe, ol jaýapsyz málimdemeler jasaityn "jeke" azamat. Sondyqtan biz ol materialdy zertteimiz, qajet sheshim qabyldanady", - dedi ministrdiń orynbasary Senat otyrysynan keiin.
Roman Vasilenko kórshi elde 140 million adam turatynyn atap ótti.
"Eger olardyń árqaisy túrli nárse aitsa, biz oǵan pikir bildirýimiz qanshalyq durys? Resei Federatsiiasynyń, ózge elderdiń resmi ustanymy bar. Al biz ózge elderdiń resmi ustanymymen jumys isteimiz", - deidi Vasilenko.
Eske salaiyq, keshe, 16 qarashada "Qazaq qyzdaryn syndyrý" kýrsyn ótkizemin degen reseilikke Qazaqstanǵa kirýge tyiym salynǵan bolatyn.
