Foto: QR SIM baspasóz qyzmeti
Syrtqy ister ministrligi AQSh memlekettik hatshysy Entoni Blinkenniń Astanadaǵy jumys josparyn jariialady, - dep habarlaidy "Ult aqparat".
QR SIM resmi ókili Aibek Smadiiarovtyń aitýynsha, 28 aqpanda AQSh Memlekettik hatshysy Entoni Blinkenniń Qazaqstanǵa alǵashqy resmi sapary ótedi. Astanada Blinkendi Prezident Qasym-Jomart Toqaev qabyldap, Premer-ministrdiń orynbasary – Syrtqy ister ministri Muhtar Tileýberdi kelissózder júrgizedi.
"Sol kúni Astanada E.Blinkenniń qatysýymen Ortalyq Aziia elderi men AQSh syrtqy saiasi vedomstvolary basshylarynyń «S5+1» formatyndaǵy ministrlik kezdesýi ótedi. Búgingi tańda Ortalyq Aziia elderiniń SIM basshylary ózderiniń qatysýyn rastady.
«S5+1» ministrlik kezdesýinde Ortalyq Aziia elderiniń AQSh-pen ekonomika, energetika jáne qorshaǵan orta salasyndaǵy yntymaqtastyǵyn odan ári damytý, sondai-aq terrorizmge qarsy kúres máselelerin talqylaý josparlanyp otyr.
Búgingi tańda «S5+1» tetigi ózin Ortalyq Aziianyń kópjosparly damýyn qamtamasyz etý isinde óńirlik yntymaqtastyqqa yqpal etetin tiimdi diplomatiialyq platforma retinde kórsetti" - dedi Aibek Smadiiarov.
