Foto: informburo.kz
Syrtqy ister ministriniń orynbasary Roman Vasilenko nemistiń Deutsche Welle basylymyna bergen suhbatynda Qazaqstannyń Ýkrainadaǵy jaǵdaiǵa qatysty ustanymy týraly aitty, - dep habarlaidy Tengrinews.kz agenttigi.
Berlinde resmi saparmen júrgen Roman Vasilenko Qazaqstan kópvektorly, teńdestirilgen, pragmatikalyq syrtqy saiasat júrgizip jatqanyn málimdedi.
"Biz óz ustanymymyzdy naqty belgiledik. Bul BUU Jarǵysy negizinde memleketterdiń aýmaqtyq tutastyǵyn qurmetteý qajettiliginen turady. Bul ustanym barlyq seriktesterimizge túsinikti. Biz reseishil de, amerikalyq ta, qytaishyl da pozitsiiany ustanbaimyz. Qazaqstandyq ustanymdamyz, syrtqy saiasatymyzdyń negizinde ulttyq múddelerimiz jatyr", - dedi SIM basshysynyń orynbasary.
Sonymen qatar, Qazaqstan Reseidiń Ýkrainaǵa qarsy agressiiasyn nemese áskeri qylmystaryn nege aiyptamaǵanyn aitty.
"20 million halqy bar, onyń ishinde 3,5 million orys, 250 myń etnikalyq ýkrain turatyn Qazaqstan úshin bul – qaiǵyly soǵys, qaýipti qaqtyǵys. Sondyqtan Qazaqstan qantógisti toqtatýǵa jáne janjaldy retteýge bar kúshimen kómektesýge umtylady. Resei men Ýkraina buǵan umtylsa, Qazaqstan deldal rólin atqarýǵa daiyn ekenini prezidentimiz birneshe ret aitqan", - dep atap ótti Vasilenko.
Ol deldal bolý týraly usynyspen áli ainalyspaǵanyn, alaida taraptar qalasa, osy rólde áreket etýge daiyn ekenin aitty.
SIM basshysynyń orynbasary Ýkrainada da, Reseide de pikir týdyrǵan "buzylmaityn kiiz úi" jobasyna túsinikteme berdi.
"Qazaqstan Ýkrainaǵa gýmanitarlyq kómek kórsetti, onyń ishinde generatorlar, azyq-túlik jáne dári-dármekter jetkizildi. Qazaqstandyq qoǵamda bul taqyryp óte belsendi talqylandy. Qazaqtarǵa arnalǵan kiiz úidiń erekshe qasieti bar, bul jyljymaly úi. Sondyqtan bizdiń qoǵamda bul qadamdar óte jaqsy qabyldandy", – dep atap ótti Vasilenko.
