QR Premer-Ministriniń orynbasary - Syrtqy ister ministri Muhtar Tileýberdi sheteldik jumys kúshine kvota belgileýdiń tártibine engizilgen ózgerister týraly máimet berdi, dep habarlaidy QazAqparat.
«Adami kapitaldyń sapasyn jaqsartý sheńberinde halyqty jumyspen qamtýǵa jáne azamattardy kásipkerlikke tartýǵa baǵyttalǵan «Eńbek» memlekettik baǵdarlamasy iske asyrylýda. Baǵdarlamanyń negizgi mindeti eńbek naryǵynyń qajettilikterin eskere otyryp, kadrlar daiarlaý bolyp tabylady», - degen Premer-Ministrdiń orynbasary sheteldik jumys kúshin tartý tártibin jetildirý maqsatynda 2020 jyly «Kóshi-qon týraly» Zańǵa ózgeris engizilgenin eske saldy.
««Kóshi-qon týraly» Zańǵa sheteldik jumys kúshiniń eńbek qyzmetine ruqsat alý rásimderin retteý boiynsha túzetýler engizildi. Zańda eki jáne odan da kóp óńirlerdiń aýmaǵynda áreket etetin sheteldik qyzmetkerlerdiń eńbek qyzmetine ruqsattar berý, sondai-aq sheteldik jumys kúshi úshin kvotalar belgileý kezinde ekonomikalyq qyzmet túrlerin jáne sanattar boiynsha bólýdi alyp tastaý kózdelgen. Sheteldik jumys kúshin tartýǵa kvota belgileý jónindegi ókilettikter Úkimetten Eńbek jáne áleýmettik qorǵaý ministrligine berildi», - dedi Muhtar Tileýberdi Sheteldik investorlar keńesiniń otrysynda.
