QR Syrtqy ister ministriniń birinshi orynbasary Shahrat Nuryshev Siriiadaǵy ahýal boiynsha kelissózder ótkizý múmkindigine qatysty pikir bildirdi, dep habarlaidy "Ult aqparat".
«Bul – Astana protsesi aiasyndaǵy jeltoqsanda ótken kezdesýden keiin josparlanǵan otyrys edi. Alaida garant elder bul sharany ótkizýdiń naqty merzimin ataǵan joq. Sol sebepti olardan naqty usynystardy kútemiz. Osydan keiin tiisti sharalar qabyldanady», - dedi Shahrat Nuryshev Úkimettiń baspasóz ortalyǵyndaǵy brifing barysynda.
Eske sala ketsek aqpan aiynyń sońynda EO-nyń Syrtqy ister jáne qaýipsizdik saiasaty jónindegi joǵary ókili Jozep Borrel Siriianyń Idlib aimaǵynda jalǵasyp jatqan shielenisti tez arada toqtatýǵa shaqyrǵan edi.
Al túrik áskeri Siriianyń Idlib aýmaǵynda Bashar Asad rejiminiń SU-24 markaly eki ushaǵyn atyp túsirdi.
