Foto: Zakon.kz
Saǵat 19.00-degi jaǵdai boiynsha shetelde 13 ýchaskeniń jumysy aiaqtaldy, 7358 astam Qazaqstan azamaty óz daýysyn berdi (daýys berýge 59,79 % qatysty), dep habarlaidy "Ult Aqparat".
"60 sailaý ýchaskeleri áli óz jumysyn jalǵastyrýda. Atap aitqanda, Ortalyq Aziia, Taiaý jáne Orta Shyǵys, Eýropa, Ońtústik Amerika jáne AQSh elderinde. Taǵy 1 San-Frantsisko qalasyndaǵy ýchaske Astana ýaqyty boiynsha saǵ. 20.00-de ashylady", -dedi QR Syrtqy ister ministriniń orynbasary R. Vasilenko.
Eske sala keteiin, Qazaqstannyń shet elderdegi mekemeleri janynan 59 memlekette 74 ýchaskelik referendým komissiiasy qurylǵan bolatyn, daýys beretin sailaýshylardyń jalpy sany 12 307.
QR Syrtqy ister ministriniń orynbasarynyń aitýynsha, búgin, Astanada Halyqaralyq baiqaýshylarǵa qolǵabys kórsetý ortalyǵynda, Shanhai yntymaqtastyq uiymy (ShYU), Túrki memleketteriniń uiymy (TMU) jáne Aziiadaǵy ózara is-qimyl jáne senim sharalary jónindegi keńes (AÓSShK) siiaqty halyqaralyq uiymdar baiqaýshylarynyń qatysýymen birqatar brifingter ótti.
"Missiia basshylary atap ótkendei, respýblikalyq referendým Qazaqstannyń qoldanystaǵy zańnamasyna jáne halyqaralyq mindettemelerine sáikes ótýde. Olardyń pikirinshe, referendým ashyq, erkin jáne zańdy bolyp tabylady, olarmen ýchaskelerde birde-bir buzýshylyq anyqtalǵan joq. Sonymen qatar, halyqaralyq baiqaýshylar bizdiń sailaýshylardyń joǵary belsendiligin erekshe atap ótti. Sonymen birge, ózderińizge málim, referendýmdy 200 astam sheteldik jýrnalistter aqparattandyrýda", -dedi R. Vasilenko.
.jpg)