Astanada Aziiadaǵy alǵashqy iri vokaldyq megajoba – Silk Way Star jobasynyń jartylai finaly aiaqtaldy. 12 eldiń oryndaýshylaryn biriktirgen jáne álem boiynsha milliondaǵan kórermen jinaǵan bul mýzykalyq shoýdyń 9-shy epizody maýsymdaǵy eń shieleniske toly ári áserli shyǵarylymdardyń biri boldy.
Finalda – Aziianyń eń myqty 7 ánshisi
Jartylai final qorytyndysy boiynsha aqtyq kezeńge mynalar ótti:
• ALEM (Qazaqstan)
• Iazmin Aziz (Malaiziia)
• Avtandil Abeslamidze (Grýziia)
• Mishel Djozef (Mońǵoliia)
• Chjan He Siýan (Qytai)
• Saro Gevorgian (Armeniia)
• Madinaboný Ádilova (Ózbekstan)
Halyqaralyq qazylar alqasynyń aitýynsha, sońǵy epizod aldyndaǵy shyǵarylym eń kúrdeli kezeń boldy: qatysýshylar alǵash ret qazaqstandyq 6eluchchi, A.Z., Marjan Arapbaeva jáne Mona Songz sekildi ártistermen birge dýet oryndady. Bul olardyń vokalyn jańa stilde tanytýǵa múmkindik berdi.
Jartylai finalister ózderiniń avtorlyq ánderin, ulttyq týyndylaryn jáne óz elderiniń hitterin oryndap, halyqaralyq deńgeige laiyq sheberlikterin kórsetti.
Buryn-sońdy bolmaǵan geografiia
Silk Way Star – aýqymy jaǵynan mundai aýqymdy deńgeidegi ártisterdi biriktirgen Ortalyq Aziiadaǵy alǵashqy vokaldyq joba.
Baiqaýǵa Ázerbaijan, Armeniia, Grýziia, Qazaqstan, Qytai, Qyrǵyzstan, Malaiziia, Mońǵoliia, Tájikstan, Túrikmenstan, Ózbekstan jáne Ońtústik Koreia elderdiń oryndaýshylary qatysyp jatyr. Olardyń barlyǵy – halyqaralyq baiqaýlardyń jeńimpazdary, tanymal ártister jáne óz mýzykalyq mektepteriniń jarqyn ókilderi.
Alǵashqy epizodtardan bastap-aq joba aimaq elderi arasyndaǵy shyǵarmashylyq almasýǵa arnalǵan biregei keńistik qalyptastyratyn iri kross-mádeni mediaónimge ainaldy.
Buǵan qosa, Silk Way Star sońǵy jyldardaǵy eń aýqymdy mýzykalyq jobalardyń birine ainaldy. Qatysýshy elderdegi jáne halyqaralyq telearnalardaǵy transliatsiialardyń jiyntyq aýditoriiasy 1 mlrd kórermennen asady. Mundai qamtý jobany Ortalyq Aziianyń jańa mádeni brendine ainaldyryp, tutas aimaqtyń mýzykasyna qyzyǵýshylyqty arttyra túsedi.
Bakýden Ulanbatyrǵa deiin sozylǵan kórermender keńistigi
Silk Way Star jobasy alty memlekettiń telearnalarynan kórsetildi. Olar:
• Space TV (Ázerbaijan)
• «Safina» (Tájikstan)
• «Mýzyka» jáne «Madaniiat» (Qyrǵyzstan)
• UBS jáne «AIST Global» (Mońǵoliia)
• Zor TV (Ózbekstan)
• Georgian Times (Grýziia)
Qazaqstandaǵy epizodtar ár senbi saiyn 20:00-de Jibek Joly arnasynda jáne 22:30-da halyqaralyq Silk Way arnasynda kórsetiledi.
Joba qazirdiń ózinde aimaqtyń dástúrleri, tilderi men shyǵarmashylyq mektepterin biriktiretin jańa mádeni diplomatiia quraly atandy.
Finaldyq epizod 22 qarashada saǵat 20:00-de Jibek Joly telearnasynda tikelei efirde kórsetiledi. Transliatsiialar bir ýaqytta Qazaqstan, Ázerbaijan, Tájikstan, Qyrǵyzstan jáne Mońǵoliiada ótedi.
Alǵashqy aziialyq megajobanyń jeńimpazy aralas júie boiynsha anyqtalady:
50% – qazylar sheshimi, 50% – onlain daýys berý.
Árbir kórermen silkwaystar.org saitynda óziniń súiikti qatysýshysyn qoldai alady.
Silk Way Star jobasy Qazaqstan Respýblikasy Prezidenti Teleradiokesheni men Qytaidyń China Media Group (CMG) media korporatsiiasy arasyndaǵy kelisim aiasynda júzege asyrylyp keledi.
