Sibirdegi orman órtiniń tútini Nur-Sultanǵa deiin jetti.
Qazgidromettiń habarlaýynsha, tsiklonnyń áserinen respýblikanyń soltústik óńirlerinde bultty aýa-raiy saqtalyp otyr. Al aýa aǵyndary Sibirdegi orman órtiniń tútinin alyp keldi. Oǵan qosa, atmosferanyń betki qabatyndaǵy ylǵaldyń joǵary mólsheri lastaýshy zattardyń kontsentratsiiasyn (janý ónimderi, paidalanylǵan gazdar jáne t.b.) jinaýǵa qolaily boldy.
"2021 jyldyń 10-11 tamyzynda Nur-Sultan qalasynyń aýmaǵynda, atmosferada azot dioksidi boiynsha shekti ruqsat etilgen norma 1,7-den asyp ketken", - deidi sinoptikter.
Aldaǵy kúnderi aýqymdy tsiklonnyń yqpaly álsiremek. Tútin seiilip, salqyn aýa massasy keledi.
"Boljam boiynsha 12 tamyzda jáne 13 tamyz túnde jańbyr, naizaǵai, ekpindi jel kútiledi. Aýa temperatýrasy túnde 8-10 gradýsqa, kúndiz 16-18 gradýsqa deiin tómendeidi", - delingen resmi habarlamada.
Buǵan deiin Iakýtiiadaǵy orman órtiniń tútini Pavlolar jáne Shyǵys Qazaqstan oblystaryna jetkeni habarlanǵan edi.
