Qazaqstan Respýblikasynyń Prezidenti laýazymyna sailanýyna bailanysty Qasym-Jomart Toqaevtyń atyna Qytai Halyq Respýblikasynyń Tóraǵasy Si Tszinpinniń quttyqtaý jedelhaty kelip tústi, dep habarlaidy Aqordanyń baspasóz qyzmeti.
«Sizdiń Qazaqstan Respýblikasynyń Prezidenti laýazymyna sailanýyńyzǵa bailanysty Úkimettiń jáne qytai halqynyń, sondai-aq, jeke ózimniń atymnan júrekjardy quttyqtaýym men izgi tilegimdi bildirýdi abyroi sanaimyn.
Qytai men Qazaqstan tatý kórshi ári strategiialyq áriptes sanalady. Men qazaq-qytai qatynastaryn tereńdetýge basa mán beremin. Osyǵan deiingi memleketter basshylarynyń estafetasyn qabyldai otyryp, eki eldiń turaqty ári uzaq merzimdi damýy úshin jańa paraqty ashamyz jáne Sizben tyǵyz bailanys ornatamyz dep úmittenemin», - delingen jedelhatta.
Sondai-aq, Memleket basshysy Armeniia Respýblikasynyń Premer-Ministrimen telefon arqyly sóilesti.
Nikol Pashinian Qasym-Jomart Toqaevty prezident sailaýyndaǵy aiqyn jeńisimen quttyqtap, dostas Qazaqstannyń igiligi jolyndaǵy eńbegine tabys tiledi.
Qasym-Jomart Toqaev Armeniia Úkimetiniń basshysyna quttyqtaǵany úshin rizashylyq bildirip, qazaq-armian yntymaqtastyǵyn ekijaqty formatta da, Eýraziialyq ekonomikalyq odaq aiasynda da damytýdy jalǵastyrýǵa nietti ekenin aitty.
