Elbasy Nursultan Nazarbaevtyń atyna Qazaqstan Táýelsizdiginiń 30 jyldyǵyna orai shet memleket basshylarynan quttyqtaý jedelhattary men hattar kelip tústi, - dep habarlaidy "Ult aqparat" Elbasy.kz saityna silteme jasap.
QHR tóraǵasy Si Tszinpin Qytai halqynyń jáne jeke óziniń atynan Elbasyn jáne barsha qazaqstandyqtardy merekemen quttyqtap, Qazaqstannyń Tuńǵysh Prezidentiniń basshylyǵymen osy jyldar ishinde memlekettik damý isinde qoljetkizgen jetistikterdi atap ótti.
"Sizdiń dana basshylyǵyńyzben Qazaqstan tabysty damý jolyna tústi jáne Eýraziia óńirindegi yqpaldy memleketke ainalyp, Memlekettik qurylys isinde tamasha jetistikterge jetti. Dostyq kórshi jáne máńgilik jan-jaqty strategiialyq seriktes retinde Qytai buǵan shyn júrekten qýanyshty. Qazaqstan memlekettiń 2050 jylǵa deiingi damý strategiiasyn tabysty iske asyra otyryp, eldiń áleýetin nyǵaityp, halyqtyń ál-aýqatynyń deńgeiin arttyra beretinine senimdimin", - delingen Si Tszinpinniń jedelhatynda.
Tájikstan prezidenti Emomali Rahmon Qazaqstan jetistikteriniń Nursultan Nazarbaevtyń esimimen tyǵyz bailanysty ekenin aitty.
"Egemendik jyldary baýyrlas Qazaqstan búginde halyqaralyq arenada laiyqty oryn alatyn, bolashaqqa umtylǵan zamanaýi memleket qurýda aýqymdy tabystarǵa qoljetkizdi. Qazirgi Qazaqstannyń osy jetistikteri sizdiń atyńyzben jáne Qazaqstan Respýblikasynyń Tuńǵysh Prezidenti laýazymyndaǵy kópjyldyq jemisti memlekettik qyzmetińizben tyǵyz bailanysty", - delingen Emomali Rahmonnyń jedelhatynda.
Qyrǵyzstan prezidenti Sadyr Japarov óz hatynda bylai degen:
"Dostyq pen tatý kórshilikke negizdelgen, bizdiń halyqtarymyzdyń igiligi úshin odan ári de úzdiksiz damyp, tereńdei túsetin shyn máninde myqty qyrǵyz-qazaqstan strategiialyq áriptestik pen odaqtastyq qatynastaryn qalyptastyrýǵa qosqan sizdiń asa zor úlesińizdi joǵary baǵalaimyn. Osy jaǵymdy múmkindikti paidalana otyryp, sizge zor densaýlyq jáne jańa jetistikter, al baýyrlas Qazaqstan halqyna igilik pen baq - bereke tileimin".
Qazaqstannyń Táýelsizdiktiń 30 jyly ishinde qol jetkizgen tabystary Túrikmenstan prezidenti Gýrbangýly Berdimuhamedovtyń jedelhatynda da aitylǵan.
"Táýelsizdik jyldarynda Qazaqstan memlekettiligin nyǵaitýda, halyqtyń ál-aýqatyn jaqsartýda jáne halyqaralyq arenada bedelin arttyrýda úlken jetistikterge jetti. Biz jaqyn kórshimizdiń jetistikterine qýanyshtymyz jáne strategiialyq sipattaǵy ekijaqty qarym - qatynastardy birtindep jetildirýge daiyn ekenimizdi bildiremiz", - dedi Gýrbangýly Berdimuhamedov.
