Qytai tóraǵasy Si Tszinpin syrtqy kúshter Qytaiǵa "kóz alartsa" ia ishki isine "áser etetin bolsa" "basyn jaramyz" dep eskertti. Ol bul sózin 1 shildede Pekinde Kompartiianyń júz jyldyǵyn atap ótken merekelik sharada aitty, dep habarlaidy Azattyq radiosy.
Si Tszinpin Pekindegi Tiananmen alańyna jinalǵan myńdaǵan adamnyń aldynda sóz sóilep, Kompartiia "alǵa qoiǵan maqsatyna jetkenin", el ekonomikasyn damytyp, Qytaidyń álem aldyndaǵy dárejesin kótergenin aityp, maqtandy.
"Qytai halqy eski álemdi buzyp qana qoimai, jańa álem qurdy. Qytaidyń jetistigi partiianyń jumysyna bailanysty" dedi ol.
Jurt aldynda bir saǵattai sóilegen Si "myqty ásker qurýǵa" ýáde berip, Taivannyń "Qytaiǵa qosylýy" jaily aityp, Gonkong pen Makaonyń avtonomiia ekenin atap ótti.
Qytai kompartiiasynyń sezi Batys elderiniń Pekinge "Shyńjańdaǵy musylmandarǵa qysym kórsetip, Gonkong pen Tibette belsendilerdi qýdalap jatyr" dep sanktsiia salǵan tusta boldy. Batys elderi Qytaidy saiasi, ekonomikalyq jáne áskeri qarsylas dep qabyldaidy.
"Qytai – keýdesin maqtanysh kernegen ári ózine senimdi halyq. Biz buryn da, qazir de basqa ulttardy mazaq etpedik, qýdalamadyq, qul qylmadyq, bolashaqta da bulai jasamaimyz" dedi Si.
"Buǵan qosa, qytai halqy qandai da bir sheteldik kúshke bizdi qorqytýǵa, qorlaýǵa, quldyqqa jegýge jol bermeidi. Kimde-kim bulai jasaityn bolsa, basy jarylady jáne olardy temirdei Uly qorǵan aldynda qantógis kútedi" dedi Qytai tóraǵasy.
Si sheteldik kúshterdi naqty atamady. Biraq qazir Pekin AQSh jáne Ońtústik Qytai teńizi mańyndaǵy kórshilerimen, Úndistanmen ara-qatynasy nashar.
AQSh jáne Eýropa elderi Qytaidy Shyńjańda bir millionnan asa uiǵyr, qazaq jáne musylmandardy lagerge qamap otyr dep aiyptap, sanktsiia salǵan. Vashington Pekinniń Shyńjańdaǵy áreketin "genotsid" dep ataidy. Batys Qytaidy Gonkongtegi áreketin, ondaǵy belsendilerdi qýdalaýyn da synaidy.
Si Pekindegi jiynda "Gonkong pen Makaonyń áleýmettik turaqtylyǵy Qytaidyń táýelsizdigi, qaýipsizdigi jáne múddesine sai qamtamasyz etiletinin" aitty.
"Biz "Bir el – eki júie" printsipine adal bola beremiz. Iaǵni, Gonkongti gonkongtikter, Makaony makaolyqtar basqara beredi, ekeýiniń de avtonomiialyq dárejesi saqtalady" dedi ol.
Si Tszinpin Taivan aralyn "Qytaiǵa tolyq qosý" - Kompartiianyń negizgi ári tarihi mindeti" dep sanaidy.
"Qytaidyń barlyq uly men qyzy, sonyń ishinde Taivannyń eki jaǵyndaǵy otandastarymyz bizben birge jumys istep, "Taivannyń táýelsizdigi" jaily barlyq qańqý sózdi qoiyp, alǵa jyljýy kerek" dedi Qytai tóraǵasy.
Qytaidyń Kommýnistik partiiasy 1921 jyly qurylǵan. Al 72 jyl buryn, iaǵni 1949 jyly azamattyq soǵystan soń bilikke kelgen. Qazir partiiada 92 milliondai múshesi bar.
1 shildede Si óz sózin "uly, dańqty, zańdy Kompartiia jasasyn", "uly, dańqty, erjúrek halqymyz jasasyn" dep aiaqtady.
