قىتاي تٶراعاسى سي تسزينپين سىرتقى كٷشتەر قىتايعا "كٶز الارتسا" يا ٸشكٸ ٸسٸنە "ەسەر ەتەتٸن بولسا" "باسىن جارامىز" دەپ ەسكەرتتٸ. ول بۇل سٶزٸن 1 شٸلدەدە پەكيندە كومپارتييانىڭ جٷز جىلدىعىن اتاپ ٶتكەن مەرەكەلٸك شارادا ايتتى, دەپ حابارلايدى ازاتتىق راديوسى.
سي تسزينپين پەكيندەگٸ تيانانمەن الاڭىنا جينالعان مىڭداعان ادامنىڭ الدىندا سٶز سٶيلەپ, كومپارتييا "العا قويعان ماقساتىنا جەتكەنٸن", ەل ەكونوميكاسىن دامىتىپ, قىتايدىڭ ەلەم الدىنداعى دەرەجەسٸن كٶتەرگەنٸن ايتىپ, ماقتاندى.
"قىتاي حالقى ەسكٸ ەلەمدٸ بۇزىپ قانا قويماي, جاڭا ەلەم قۇردى. قىتايدىڭ جەتٸستٸگٸ پارتييانىڭ جۇمىسىنا بايلانىستى" دەدٸ ول.
جۇرت الدىندا بٸر ساعاتتاي سٶيلەگەن سي "مىقتى ەسكەر قۇرۋعا" ۋەدە بەرٸپ, تايۆاننىڭ "قىتايعا قوسىلۋى" جايلى ايتىپ, گونكونگ پەن ماكاونىڭ اۆتونومييا ەكەنٸن اتاپ ٶتتٸ.
قىتاي كومپارتيياسىنىڭ سەزٸ باتىس ەلدەرٸنٸڭ پەكينگە "شىڭجاڭداعى مۇسىلماندارعا قىسىم كٶرسەتٸپ, گونكونگ پەن تيبەتتە بەلسەندٸلەردٸ قۋدالاپ جاتىر" دەپ سانكتسييا سالعان تۇستا بولدى. باتىس ەلدەرٸ قىتايدى ساياسي, ەكونوميكالىق جەنە ەسكەري قارسىلاس دەپ قابىلدايدى.
"قىتاي – كەۋدەسٸن ماقتانىش كەرنەگەن ەرٸ ٶزٸنە سەنٸمدٸ حالىق. بٸز بۇرىن دا, قازٸر دە باسقا ۇلتتاردى مازاق ەتپەدٸك, قۋدالامادىق, قۇل قىلمادىق, بولاشاقتا دا بۇلاي جاسامايمىز" دەدٸ سي.
"بۇعان قوسا, قىتاي حالقى قانداي دا بٸر شەتەلدٸك كٷشكە بٸزدٸ قورقىتۋعا, قورلاۋعا, قۇلدىققا جەگۋگە جول بەرمەيدٸ. كٸمدە-كٸم بۇلاي جاسايتىن بولسا, باسى جارىلادى جەنە ولاردى تەمٸردەي ۇلى قورعان الدىندا قانتٶگٸس كٷتەدٸ" دەدٸ قىتاي تٶراعاسى.
سي شەتەلدٸك كٷشتەردٸ ناقتى اتامادى. بٸراق قازٸر پەكين اقش جەنە وڭتٷستٸك قىتاي تەڭٸزٸ ماڭىنداعى كٶرشٸلەرٸمەن, ٷندٸستانمەن ارا-قاتىناسى ناشار.
اقش جەنە ەۋروپا ەلدەرٸ قىتايدى شىڭجاڭدا بٸر ميلليوننان اسا ۇيعىر, قازاق جەنە مۇسىلمانداردى لاگەرگە قاماپ وتىر دەپ ايىپتاپ, سانكتسييا سالعان. ۆاشينگتون پەكيننٸڭ شىڭجاڭداعى ەرەكەتٸن "گەنوتسيد" دەپ اتايدى. باتىس قىتايدى گونكونگتەگٸ ەرەكەتٸن, ونداعى بەلسەندٸلەردٸ قۋدالاۋىن دا سىنايدى.
سي پەكيندەگٸ جيىندا "گونكونگ پەن ماكاونىڭ ەلەۋمەتتٸك تۇراقتىلىعى قىتايدىڭ تەۋەلسٸزدٸگٸ, قاۋٸپسٸزدٸگٸ جەنە مٷددەسٸنە ساي قامتاماسىز ەتٸلەتٸنٸن" ايتتى.
"بٸز "بٸر ەل – ەكٸ جٷيە" پرينتسيپٸنە ادال بولا بەرەمٸز. ياعني, گونكونگتٸ گونكونگتٸكتەر, ماكاونى ماكاولىقتار باسقارا بەرەدٸ, ەكەۋٸنٸڭ دە اۆتونومييالىق دەرەجەسٸ ساقتالادى" دەدٸ ول.
سي تسزينپين تايۆان ارالىن "قىتايعا تولىق قوسۋ" - كومپارتييانىڭ نەگٸزگٸ ەرٸ تاريحي مٸندەتٸ" دەپ سانايدى.
"قىتايدىڭ بارلىق ۇلى مەن قىزى, سونىڭ ٸشٸندە تايۆاننىڭ ەكٸ جاعىنداعى وتانداستارىمىز بٸزبەن بٸرگە جۇمىس ٸستەپ, "تايۆاننىڭ تەۋەلسٸزدٸگٸ" جايلى بارلىق قاڭقۋ سٶزدٸ قويىپ, العا جىلجۋى كەرەك" دەدٸ قىتاي تٶراعاسى.
قىتايدىڭ كوممۋنيستٸك پارتيياسى 1921 جىلى قۇرىلعان. ال 72 جىل بۇرىن, ياعني 1949 جىلى ازاماتتىق سوعىستان سوڭ بيلٸككە كەلگەن. قازٸر پارتييادا 92 ميلليونداي مٷشەسٸ بار.
1 شٸلدەدە سي ٶز سٶزٸن "ۇلى, داڭقتى, زاڭدى كومپارتييا جاساسىن", "ۇلى, داڭقتى, ەرجٷرەك حالقىمىز جاساسىن" دەپ اياقتادى.
