Qytai Halyq Respýblikasynyń tóraǵasy Si Tszinpin Qazaqstanǵa memlekettik saparmen keledi. Bul týraly Cyrtqy ister ministrliginiń resmi ókili Aibek Smadiiarov málimdedi, dep habarlaidy "Ult aqparat".
"Qazaqstan Prezidenti Qasym-Jomart Toqaevtyń shaqyrýymen 14 qyrkúiekte QHR tóraǵasy Si Tszinpinniń Qazaqstanǵa memlekettik sapary josparlanǵan. Sapar barysynda memleket basshylarynyń ekijaqty kelissózi ótedi dep josparlanyp otyr", - dedi Smadiiarov.
Sondai-aq, yntymaqtastyqtyń túrli baǵyttary boiynsha ekijaqty qujattarǵa qol qoiylady.
Sapar máńgilik jan-jaqty strategiialyq áriptestikti odan ári tereńdetýge, Qazaqstan men Qytai arasynda saiasi, saýda-ekonomikalyq jáne mádeni-gýmanitarlyq yntymaqtastyqty damytýǵa baǵyttalǵan.
"Bul sapar Qytai basshysy Si Tszinpinniń koronavirýs pandemiiasy bastalǵaly beri alǵashqy sheteldik sapary bolatynyn atap ótken jón", - dedi SIM ókili.
