Alǵash ret segizdik formatynda ótken Shanhai yntymaqtastyq uiymynyń 18-shi sammitinde Tsindao deklaratsiiasy qabyldandy. Qujatqa uiymǵa múshe 8 memlekettiń basshylary qol qoidy, dep habarlaidy QazAqparat tilshisi.
Sondai-aq Prezidentter 17 qujatty rásimdedi. Olardyń qatarynda ShYU-ǵa múshe memleketter basshylary keńesiniń ShYU-ǵa múshe memleketterdiń uzaqmerzimdi tatý kórshilik, dostyq jáne yntymaqtastyq týraly shart erejesin júzege asyrýdyń 2018-2022 jyldarǵa arnalǵan is-qimyl josparyn bekitý jónindegi sheshimi, 2019-2021 jyldarǵa arnalǵan terrorizm, separatizm jáne ekstremizmge qarsy is-qimyldaǵy yntymaqtastyq baǵdarlamasyn bekitý sheshimi, 2018-2023 jyldarǵan arnalǵan esirtkige qarsy strategiiasyn jáne ony oryndaý jónindegi is-qimyl baǵdarlamasyn bekitý sheshimi, Azyq-túlik qaýipsizdigi boiynsha yntymaqtastyq baǵdarlamasy jobasyn ázirleý jónindegi sheshimi, Qorshaǵan ortany qorǵaý salasyndaǵy yntymaqtastyq tujyrymdamasyn bekitý týraly sheshimi syndy 12 qujat bar.
Munan bólek, ShYU-ǵa múshe Memleket basshylarynyń jastarǵa birlesken úndeýi, ShYU keńistigindegi epidemiialyq qaterge qarsy ortaq is-qimyl týraly birlesken málimdemesi, Saýda protsedýrasyn jeńildetý jónindegi birlesken málimdemesi qabyldandy.
Aita keteiik, qujattarǵa Qazaqstan Prezidenti Nursultan Nazarbaev, QHR Tóraǵasy Si Tszinpin, Resei Prezidenti Vladimir Pýtin, Qyrǵyz Prezidenti Sooronbai Jeenbekov, Pákistan Prezidenti Mamnýn Hýsein, Tájikstan Prezidenti Emomali Rahmon, Ózbekstan Prezidenti Shavkat Mirzieev, Úndistan Premer-Ministri Narendra Modi qol qoidy.
