Sýret: Aqorda
Saiasattanýshy Qazbek Maigeldinov Shanhai yntymaqtastyq uiymy sammitiniń mańyzy zor ekenin aitady. Atalmysh uiym bir kezderi Eýraziia aimaǵyndaǵy yntymaqtastyqty nyǵaitý úshin qurylǵanymen, qazirde terrorizm, ekstremizm, kiberqaýipter men klimattyń ózgerýi siiaqty túrli qaýipter kezeńinde onyń róli asa zor.
"Sonymen búgingi kún Q. Toqaevtyń qatysýmen ótken ShYU-ǵa múshe memleketter basshylary keńesiniń otyrysynan bastaldy. Otyrysta sóz sóilegen basshymyz búginde Shanhai yntymaqtastyq uiymy dostyq, tatý kórshilik, teńquqyqtyq pen ózara qoldaýdyń, iaǵni "shanhai rýhy" negizinde jumys isteitin memleketaralyq qatynastardyń tiimdi tetigine ainalǵanyn atap ótti.
Byltyrdan bastap uiymǵa tóraǵalyq etken ýaqyt aralyǵynda túrli deńgeide 150-ge jýyq is-shara, sonyń ishinde tsifrlyq damý, týrizm, energetika, biznes salalarynda forýmdar men ShYU jastar keńesi ótkizildi. Bul jaily da Q. Toqaev málimdedi. Ary qarai óz sózinde túrli is-sharalardyń nátijesinde ShYU keńistigindegi saýda-ekonomikalyq yntymaqtastyq qarqyndy damyp kele jatqanyna toqtaldy", - dep atap ótti saiasattanýshy.
Osydan keiin Qazbek Maigeldinov Prezidenttiń ShYU sammitinde sóilegen sózderine nazar aýdaryp, eń negizgilerine toqtaldy.
"Jalpy, Toqaev Qazaqstan ShYU tóraǵasy retinde aldyńǵy sammitte aitylǵan barlyq maqsat-mindetti tolyǵymen oryndaǵanyn aitty. Sondai-aq Prezident elimizdiń bastamalaryn júzege asyrýǵa qoldaý kórsetip, belsendi atsalysqany úshin barlyq memleketke shynaiy rizashylyǵyn bildirdi.
Árine, Prezident qaýipsizdik salasyndaǵy ózara senim men yntymaqtastyqty nyǵaitýdy birinshi mańyzdy baǵyt ekenin de nazardan tys qaldyrǵan joq.
«Qazirgi kúrdeli ahýal – negizinen halyqaralyq qatynastar júiesindegi daǵdarys saldary. Osy rette halyqaralyq quqyqtyń kemshin tustaryn túzep, geosaiasi turǵydan jikke bólinýge jol bermeý maqsatymen, túptep kelgende, jahandyq aýqymdaǵy beibitshilik pen qaýipsizdikti nyǵaitý úshin ShYU óziniń turaqtandyrýshy jáne jasampazdyq rólin kúsheitýge tiis» dep ShYU-nyń álem elderindegi turaqtylyqqa yqpal ete alatynyna basymdyq bergen eken", - dep atap ótti sarapshy.
Saiasattanýshynyń aitýynsha, otyrysta qatysýshy elder úshin ǵana emes, jalpy, álem elderi úshin mańyzdy taqyryptar qozǵaldy. Ol osyndai aimaqtyq is-sharalardyń ótýi mańyzdy ekenine, sebebi bul tek basshylardyń kezdesýi ǵana emes, pikir almasyp, mańyzdy sheshimder qabyldanatyn alań ekenine senimdi.
