سۋرەت: اقوردا
ساياساتتانۋشى قازبەك مايگەلدينوۆ شانحاي ىنتىماقتاستىق ۇيىمى سامميتٸنٸڭ ماڭىزى زور ەكەنٸن ايتادى. اتالمىش ۇيىم بٸر كەزدەرٸ ەۋرازييا ايماعىنداعى ىنتىماقتاستىقتى نىعايتۋ ٷشٸن قۇرىلعانىمەن, قازٸردە تەرروريزم, ەكسترەميزم, كيبەرقاۋٸپتەر مەن كليماتتىڭ ٶزگەرۋٸ سيياقتى تٷرلٸ قاۋٸپتەر كەزەڭٸندە ونىڭ رٶلٸ اسا زور.
"سونىمەن بٷگٸنگٸ كٷن ق. توقاەۆتىڭ قاتىسۋمەن ٶتكەن شىۇ-عا مٷشە مەملەكەتتەر باسشىلارى كەڭەسٸنٸڭ وتىرىسىنان باستالدى. وتىرىستا سٶز سٶيلەگەن باسشىمىز بٷگٸندە شانحاي ىنتىماقتاستىق ۇيىمى دوستىق, تاتۋ كٶرشٸلٸك, تەڭقۇقىقتىق پەن ٶزارا قولداۋدىڭ, ياعني "شانحاي رۋحى" نەگٸزٸندە جۇمىس ٸستەيتٸن مەملەكەتارالىق قاتىناستاردىڭ تيٸمدٸ تەتٸگٸنە اينالعانىن اتاپ ٶتتٸ.
بىلتىردان باستاپ ۇيىمعا تٶراعالىق ەتكەن ۋاقىت ارالىعىندا تٷرلٸ دەڭگەيدە 150-گە جۋىق ٸس-شارا, سونىڭ ٸشٸندە تسيفرلىق دامۋ, تۋريزم, ەنەرگەتيكا, بيزنەس سالالارىندا فورۋمدار مەن شىۇ جاستار كەڭەسٸ ٶتكٸزٸلدٸ. بۇل جايلى دا ق. توقاەۆ مەلٸمدەدٸ. ارى قاراي ٶز سٶزٸندە تٷرلٸ ٸس-شارالاردىڭ نەتيجەسٸندە شىۇ كەڭٸستٸگٸندەگٸ ساۋدا-ەكونوميكالىق ىنتىماقتاستىق قارقىندى دامىپ كەلە جاتقانىنا توقتالدى", - دەپ اتاپ ٶتتٸ ساياساتتانۋشى.
وسىدان كەيٸن قازبەك مايگەلدينوۆ پرەزيدەنتتٸڭ شىۇ سامميتٸندە سٶيلەگەن سٶزدەرٸنە نازار اۋدارىپ, ەڭ نەگٸزگٸلەرٸنە توقتالدى.
"جالپى, توقاەۆ قازاقستان شىۇ تٶراعاسى رەتٸندە الدىڭعى سامميتتە ايتىلعان بارلىق ماقسات-مٸندەتتٸ تولىعىمەن ورىنداعانىن ايتتى. سونداي-اق پرەزيدەنت ەلٸمٸزدٸڭ باستامالارىن جٷزەگە اسىرۋعا قولداۋ كٶرسەتٸپ, بەلسەندٸ اتسالىسقانى ٷشٸن بارلىق مەملەكەتكە شىنايى ريزاشىلىعىن بٸلدٸردٸ.
ەرينە, پرەزيدەنت قاۋٸپسٸزدٸك سالاسىنداعى ٶزارا سەنٸم مەن ىنتىماقتاستىقتى نىعايتۋدى بٸرٸنشٸ ماڭىزدى باعىت ەكەنٸن دە نازاردان تىس قالدىرعان جوق.
«قازٸرگٸ كٷردەلٸ احۋال – نەگٸزٸنەن حالىقارالىق قاتىناستار جٷيەسٸندەگٸ داعدارىس سالدارى. وسى رەتتە حالىقارالىق قۇقىقتىڭ كەمشٸن تۇستارىن تٷزەپ, گەوساياسي تۇرعىدان جٸككە بٶلٸنۋگە جول بەرمەۋ ماقساتىمەن, تٷپتەپ كەلگەندە, جاھاندىق اۋقىمداعى بەيبٸتشٸلٸك پەن قاۋٸپسٸزدٸكتٸ نىعايتۋ ٷشٸن شىۇ ٶزٸنٸڭ تۇراقتاندىرۋشى جەنە جاسامپازدىق رٶلٸن كٷشەيتۋگە تيٸس» دەپ شىۇ-نىڭ ەلەم ەلدەرٸندەگٸ تۇراقتىلىققا ىقپال ەتە الاتىنىنا باسىمدىق بەرگەن ەكەن", - دەپ اتاپ ٶتتٸ ساراپشى.
ساياساتتانۋشىنىڭ ايتۋىنشا, وتىرىستا قاتىسۋشى ەلدەر ٷشٸن عانا ەمەس, جالپى, ەلەم ەلدەرٸ ٷشٸن ماڭىزدى تاقىرىپتار قوزعالدى. ول وسىنداي ايماقتىق ٸس-شارالاردىڭ ٶتۋٸ ماڭىزدى ەكەنٸنە, سەبەبٸ بۇل تەك باسشىلاردىڭ كەزدەسۋٸ عانا ەمەس, پٸكٸر الماسىپ, ماڭىزدى شەشٸمدەر قابىلداناتىن الاڭ ەكەنٸنە سەنٸمدٸ.
