Foto: Óskemen qalasyndaǵy byltyrǵy shyrsha. altainews.kz
OKQ baspasóz brifinginde ULT.KZ tilshisiniń suraǵyna jaýap berý kezinde ShQO ákimi Ermek Kósherbaev oblys biyl jańa jyldyq shyrshaǵa biýdjet esebinen qansha qarajat jumsaityndaryn aitty."Biyl shamamen 150 Aiaz ata qatysady dep kútilýde. Byltyr olardyń sany 25 bolǵan edi. Qatysýshylar barlyq aýdandardan, tipti bes oblystan kelýi josparlanyp otyr", – dedi Ermek Kósherbaev.
Ákim úshin jańa jyldy atap ótýge bólinip otyrǵan 18 million teńge az kórinedi.
"Kelgen qonaqtar óz aqshasymen keledi. Biz buǵan kóp aqsha bólmeimiz. 18 million ǵana", -dep otyr ol.
Kósherbaevtyń sózinshe qala alańyna ornatylǵan shyrsha qoldan jasalǵan. Al shyrsha, jaryq shamdary jáne girliandalar burynnan satyp alynǵan.
"Qazirgi jaǵdaida aqshany bostan-bosqa shashýǵa bolmaidy. Sondyqtan biz somany qysqarttyq ", – dedi ShQO ákimi.
Al 18 million teńge nege jumsalady? 150 Aiaz ataǵa ma? Buǵan ákim naqty jaýap bermedi.
