Shymkenttegi Mai kombinatynyń ainalasy qorshaldy. Kýágerlerdiń aitýynsha, osy jerde áldekimder úsh jasar qyzdy óltirip ketken. Oqiǵa ornynda politseiler men kriminalister jumys istep jatyr, dep habarlaidy QazAqparat Otyrar.kz-ke silteme jasap.
Kórshileriniń aitýynsha, kishkentai qyz sheshesimen birge jataqhanada turǵan. Jan túrshigerlik oqiǵa jataqhanadan shamamen 500 metr aryda bolǵan degen boljam bar.
Tamyz aiynda qyz tórt jasqa tolar edi. Qazir onyń denesin sot meditsinalyq saraptamasynan ótkizý úshin alyp ketti.
Jergilikti turǵyn Halipa Qadyrovanyń aitýynsha, áiel qyzdyń sheshesinen únemi báiek bolyp júretin qyzyńyz qalai ǵana kóshede jalǵyz qaldy dep suraǵan. Qyzdyń sheshesi oǵan qaiǵyly oqiǵa bolǵan kezde jumysta edim dep jaýap bergen. Halipa Qadyrova endi óziniń nemerelerin ýaiymdap jatqanyn aitady.
Sol aýdan Shymkenttegi jii qylmys bolatyn aýdandardyń biri sanalady, tastandy garajdarǵa únemi úi-kúisiz júrgender, nashaqorlar, ishimdikke salynǵandar aǵylady.
Kriminalister syra bótelkelerinen, sol tóńirektegi zattardan saýsaq izderin alǵan.
Qazir aryqtaý kelgen, 1980 jyly týǵan, boiy 180 sm er adamǵa izdeý salynǵan.
Ázirshe politsiia resmi málimdeme jasaǵan joq.
