شىمكەنتتەگٸ ماي كومبيناتىنىڭ اينالاسى قورشالدى. كۋەگەرلەردٸڭ ايتۋىنشا, وسى جەردە ەلدەكٸمدەر ٷش جاسار قىزدى ٶلتٸرٸپ كەتكەن. وقيعا ورنىندا پوليتسەيلەر مەن كريميناليستەر جۇمىس ٸستەپ جاتىر, دەپ حابارلايدى قازاقپارات Otyrar.kz-كە سٸلتەمە جاساپ.
كٶرشٸلەرٸنٸڭ ايتۋىنشا, كٸشكەنتاي قىز شەشەسٸمەن بٸرگە جاتاقحانادا تۇرعان. جان تٷرشٸگەرلٸك وقيعا جاتاقحانادان شامامەن 500 مەتر ارىدا بولعان دەگەن بولجام بار.
تامىز ايىندا قىز تٶرت جاسقا تولار ەدٸ. قازٸر ونىڭ دەنەسٸن سوت مەديتسينالىق ساراپتاماسىنان ٶتكٸزۋ ٷشٸن الىپ كەتتٸ.
جەرگٸلٸكتٸ تۇرعىن حاليپا قادىروۆانىڭ ايتۋىنشا, ەيەل قىزدىڭ شەشەسٸنەن ٷنەمٸ بەيەك بولىپ جٷرەتٸن قىزىڭىز قالاي عانا كٶشەدە جالعىز قالدى دەپ سۇراعان. قىزدىڭ شەشەسٸ وعان قايعىلى وقيعا بولعان كەزدە جۇمىستا ەدٸم دەپ جاۋاپ بەرگەن. حاليپا قادىروۆا ەندٸ ٶزٸنٸڭ نەمەرەلەرٸن ۋايىمداپ جاتقانىن ايتادى.
سول اۋدان شىمكەنتتەگٸ جيٸ قىلمىس بولاتىن اۋدانداردىڭ بٸرٸ سانالادى, تاستاندى گاراجدارعا ٷنەمٸ ٷي-كٷيسٸز جٷرگەندەر, ناشاقورلار, ٸشٸمدٸككە سالىنعاندار اعىلادى.
كريميناليستەر سىرا بٶتەلكەلەرٸنەن, سول تٶڭٸرەكتەگٸ زاتتاردان ساۋساق ٸزدەرٸن العان.
قازٸر ارىقتاۋ كەلگەن, 1980 جىلى تۋعان, بويى 180 سم ەر ادامعا ٸزدەۋ سالىنعان.
ەزٸرشە پوليتسييا رەسمي مەلٸمدەمە جاساعان جوق.
