Shymkenttegi "Qiial álemi" tehnoparkinde 50 jastaǵy er adam "Balǵa" attraktsionyna otyrǵan kezinde aýyryp qalǵan. Oqiǵa ornyna jedel járdem kelgenimen dárigerler er adamdy qutqaryp qala almady. Ólimniń sebebi - infarkt, - dep habarlaidy Tengrinews.kz tilshisi Otyrar.kz basylymna silteme jasap.
Kýágerlerdiń aitýynsha, tehnopark qyzmetkerleri meditsinalyq kómek jinaǵy bolmaǵandyqtan, alǵashqy meditsinalyq kómek kórsete almaǵan.
Saiabaq qazir jabyq, quqyq qorǵaý organdary qaiǵyly oqiǵanyń mán-jaiyn anyqtap jatyr.
⠀
Bul - "Qiial álemi" tehnoparkinde bolǵan birinshi oqiǵa emes. Mamyr aiynda 17 jastaǵy jasóspirim oqys oqiǵadan qaza tapty. Bir nusqa boiynsha, ol oiyn-saýyq saiabaǵynda shtattan tys jumys istegen. Jas jigit attraktsionnyń metall konstrýktsiialaryna kóterilgende qulap túsip, jedel járdem kelgenshe qaitys bolǵan.
