Nurlan Saýranbaev QR Prezidentiniń Ákimshiligi Memlekettik baqylaý jáne aýmaqtyq-uiymdastyrý jumysy bóliminiń meńgerýshisi boldy, dep habarlaidy "Ult aqparat" Aqordaǵa silteme jasap.
"Memleket basshysynyń Ókimimen Nurlan Ermekuly Saýranbaev Qazaqstan Respýblikasy Prezidentiniń Ákimshiligi Memlekettik baqylaý jáne aýmaqtyq-uiymdastyrý jumysy bóliminiń meńgerýshisi bolyp taǵaiyndaldy" delingen resmi habarlamada.
N.E.Saýranbaev 1967 jyly 20 mamyrda týylǵan, bilimi joǵary, mamandyǵy boiynsha biliktiligi - ekonomist.
Eńbek jolyn 1991 jyly Astana qalasynda «Eńbek» kompaniiasynyń bas direktory bolyp bastaǵan.
1997-2002 jyldary Qazaqstannyń kásipkerler kongressiniń atqarýshy direktory, «Qazaqstan temir joly» respýblikalyq memlekettik kásiporynnyń «Jolaýshylar tasymaly» enshiles kásiporyn direktory, «ANPZ» ashyq aktsionerlik qoǵamynyń birinshi vitse-prezidenti retinde eńbek etken.
2002-2016 jyldary «QazMunaiGaz» Ulttyq kompaniiasy» aktsionerlik qoǵamynyń Injiniringtik jáne servistik qyzmetter departamentiniń direktory, Munaidy tasymaldaý jónindegi basqarýshy direktory, Servistik jobalar jónindegi basqarýshy direktory, Qazaqstan Respýblikasynyń Indýstriia jáne jańa tehnologiialar vitse-ministri, Qazaqstan Respýblikasynyń Qorǵanys ministriniń orynbasary laýazymdaryn atqarǵan.
2017 jyldyń aqpan aiynan bastap EKSPO-2017 halyqaralyq mamandandyrylǵan kórmesin ázirleý jáne ótkizý máseleleri jónindegi shtabtyń uiymdastyrý komitetiniń basshysy laýazymyn atqardy.
2017 jyldyń qarasha aiynda Shymkent qalasynyń ákimi bolyp taǵaiyndalyp, 2018 jyldyń maýsymyna deiin qyzmet etken bolatyn.
«Qurmet» jáne «Parasat» ordenderimen, «Qazaqstan Respýblikasynyń Táýelsizdigine 20 jyl» merekelik medalimen nagradtalǵan.
