Shymkenttiń bas jospary qaita jasalyp jatyr. Sebebi, aldaǵy jeti jylda qala turǵyndarynyń sany 1 mln 400 myń adamǵa jetedi degen jospar bar.
Bul qaladaǵy kólik qatynasyn qiyndatyp, áleýmettik máselelerdi odan saiyn kúrdelendirip jiberýi múmkin, dep habarlaidy Ult.kz tilshisi QazAqparat agenttigine silteme jasap.
Sondyqtan qala basshylyǵy jospardyń ózgertiletinin aitady. Jańa jobaǵa sáikes, shaharda jańa móltekaýdandar boi kóterip, taǵy bir indýstrialdy aimaq salynýy bek múmkin. Al, oblys ortalyǵynyń aldaǵy keskin-kelbeti qoǵamdyq talqylaýda qaraldy. Jańa jospardy qalalyq sáýlet jáne qala qurylysy bólimi men úsh birdei jobalaýshy kompaniia birlesip jasaýda. Ázirge negizgi jumystar aiaqtalǵan. Mamandardyń sózinshe, jańadan daiyndalǵan bas jospar qalanyń qazirgi aýmaǵyn tutastai qamtidy. Onda injenerlik júielerdi júrgizý, qala qaqpasyndaǵy kúre joldardy keńeitý jaǵy qarastyrylǵan. Jańa joba maquldansa, qalada taǵy bir indýstrialdy aimaq ashylady. «Shymkent qalasynyń indýstrialdy aimaǵy» dep atalatyn ortalyqtyń aýmaǵy myń gektar bolýy múmkin. Onda negizinen aýyl sharýashylyǵy ónimderin qaita óńdeitin kásiporyndar men iri óndiris oshaqtary shoǵyrlanady. 100 myńnan astam adam jumyspen qamtylady. Ázirge 54 josparlaý jobasy ázirlense, qala ákiminiń qaýlysymen kúni búginge deiin sonyń 47-si bekitilgen.
