Shymkent qalasynyń ákimi Erlan Aitahanov qalanyń 2200 jyldyǵy men «Shymkent – 2020 jylǵy TMD mádeni astanasy» sharalaryna daiyndyq qalai júrip jatqanyn aityp berdi, dep habarlaidy QazAqparat.
«2020 jyly qalamyz Táýelsiz Memlekettik Dostastyǵy elderiniń mádeni astanasy bolyp jariialanǵan. Odan bólek, kelesi jyly Shymkent qalasynyń 2200 jyldyq mereitoiy TMD elderi men UNESCO kóleminde atalyp ótedi. Búgingi tańda osy ataýly is-sharalarǵa daiyndyq jumystary bastaldy. Biyl 502 mln teńgege eski qala - Tsitadeldi qalpyna keltirý jumysy qarqyndy júrip jatyr. Jumystar kelesi jyldyń qyrkúiek aiynda tolyq aiaqtalady», - dedi Shymkent qalasynyń ákimi OKQ-da ótken baspasóz máslihatynda.
Ákimniń aitýyna qaraǵanda, 2020 jyly Ortalyq ippodrom aýmaǵynda «Qaiyrymdy qala – Shymkent» etnoaýyly uiymdastyrylady. Etnoaýylda naýryz aiynan bastap qarasha aiyna deiin Ulttyq halyq shyǵarmashylyǵyn qoldaý baǵytynda ár senbi, jeksenbi kúnderi is-sharalar ótkiziledi.
«Odan bólek, kelesi jyly qalanyń sáýletin arttyratyn 2200 oryndyq kongress-holl, oqýshylar saraiy jáne media-ortalyq qurylysy júrgiziledi», - dedi ol.
