Foto: THINKSTOCK
QMA Shymkent qalasy boiynsha departamenti "Chia Tai Tianging" qarjy piramidasynyń qurylymdyq bólimshe basshysyna qatysty tergeýdi aiaqtady, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
"Shymkent qalasynyń turǵyny 2022 jyldyń qarashasy men 2023 jyldyń sáýiri aralyǵynda atalǵan qarjy piramidasynyń qaladaǵy filialyn basqarǵany anyqtaldy.
Ol 700 mln teńgege materialdyq zalal keltire otyryp, eki júzden astam salymshy tartqan.
Qazirgi ýaqytta kúdiktige qatysty sotqa deiingi tergeý aiaqtaldy jáne is sotqa jiberildi" - delingen habarlamada.
Vedomstvo ókilderi qarjy piramidalaryn qurý qylmystyq jaýapkershilikke ákep soǵatynyn jáne múlki tárkilenip, 10 jylǵa deiingi merzimge bas bostandyǵynan aiyrý túrindegi jazany kózdeitinin eskertti.
"Azamattardy qyraǵy bolýǵa jáne óz jinaqtaryn kúmándi qarjy uiymdaryna salmaýǵa shaqyramyz.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen habarlamada.
