Atyshýly «antifashist» Bahytjan Kopbaev Shymkentten jolǵa shyqpai turǵanda-aq Kerekýdegi shovinistik, nigilistik kózqarastaǵy toptarǵa vatsap jelisi arqyly astyrtyn aqyl-keńes bergen kórinedi. Olardy qaitken kúnde de Pavlodar ataýynan airylmaýǵa shaqyryp, aldaǵy kezdesýde óziniń osy ataýdy barynsha qorǵaitynyn aitqan. Sonymen qatar ózine qarsy syn materialdar jariialanǵan áleýmettik jelilerdi memlekettik BAQ dep atap, memlekettik organdardy radikaldyq baǵyttaǵy ultshyldardy qoldaýda dep aiyptaǵan. Sondai-aq Shymkent pen Reseidiń Túmen qalasy aralyǵyndaǵy ulanǵaiyr jer «Saryarqa» atalady degen ótirigin shyndyq esebinde ótkizgisi kelipti. Kóne túrki zamanynan beri qoldanysta júrgen Kereký ataýyn Kiriakov degen oryssha ataýdyń qazaqshalanǵan nusqasy dep, jáne bir ótirikti uryp jiberipti!
Biraq ózimen kezdesýge orystildilerden góri qazaqtildi jurtshylyqtyń kóbirek kelgenin kórgen ol ultaralyq janjal týyp ketýi múmkin ekenin boljasa kerek, bastapqy sózinen taiqyp ketti. Sonda da jiynda shý kóterildi. Pavlodar ataýy jónindegi másele kún tártibinen túsip qalǵanyna kúiingen orystildi toptar oǵan ashýly minezderin kórsetip baqty! Sóitip, jiyn esh nátijesiz ý-shýmen aiaqtalǵan edi.
Budan keiin B. Kopbaev kásipker retinde Pavlodar aýdanynyń Olginka aýylyndaǵy «Maiak» sharýa qojalyǵyna baryp, ósimdik daiyndaityn gidroponiktiń jumysymen tanysypty.
Sharýashylyq qojaiyny men gidroponik direktorynyń kim ekenin túrli derek kózderden izdestirip anyqtadyq. Sóite tura, olar men B. Kopbaevtyń arasynda qandai bailanys baryn bile almadyq.
Bahytjan áleýmettik jelidegi bir jazbasynda Kerekýge resmi tulǵalardyń shaqyrýymen kelgenin aitqan bolatyn. Sapary aiaqtalar aldynda ózine qoldaý kórsetken oblys ákiminiń orynbasary Almas Batanovqa jáne oblys aýyl sharýashylyǵy basqarmasynyń basshysy Nurlan Sadybekovke rizashylyǵyn bildiripti. Ekeýin tipti «Sýper mega dvijýiýshiesia liýdi!» dep madaqtapty. Demek, kerekýlik sheneýnikter men shymkenttik «antifashistiń» arasynda qandai da bir bailanys bolǵany ǵoi. Sonyń quqyqtyq negizdiligin bilý maqsatynda oblys basshysy Ábilqaiyr Sqaqov myrzaǵa Ashyq hat jazǵanmyn. Ákimniń baspasóz hatshysy Ernar Seitahmet jaýap retinde post jazyp, hat iesin jaǵdaidyń anyq-qanyǵyn bilmei turyp bireýlerge jala jappaýǵa shaqyrypty...
Balamen bala bolyp qaiteiin, «Baspasóz qyzmeti seniń qolyń emes eken. Aldymen mádenietti jaýap berýdi úirengeniń jón shyǵar» degen pikir qaldyryp edim, álgi postyn dereý óshirip, tym-tyrys bola qaldy. Áiteýir, erteńinde Almas Batanovtyń ózi menimen bailanysqa shyǵyp, B. Kopbaevty sharýashylyq máseleleri boiynsha qabyldaǵanyn rastady. Al Nurlan Sadybekovtan esh habar joq. Solai bola tura, ony jáne Baqytjandy jumys ýaqytynda túrli jobalardy talqylap, demalys kúnderi saýnaǵa birge baryp júrgen joldas jigitter dep oilamaimyn...
Shymkenttik «antifashist» endi mamyr aiynda bizdiń óńirdegi Ekibastuz qalasyna kelýdi josparlap otyr. Erkin kúrespen ainalysatyn oqýshy balalardy jarysqa ákelmekshi eken. Negizgi maqsaty sporttyq sharaǵa qatysý ma álde taǵy da saiasi shara ótkizý me, kim bilsin?..
Jergilikti sheneýnikter ony taǵy da qabyldai ma eken?..
Áitse de, aldyn ala bal ashyp, boljam jasamai-aq qoiaiyq. Birese kásipker, birese sport jattyqtyrýshysy keipine enetin atyshýly «antifashistiń» bizdiń óńirdegi sapary qalai ótetinin der kezinde bilemiz ǵoi.
Solai desem de, ótken ǵasyrdyń surapyl toqsanynshy jyldarynda biznesmen keipine engen «bratvalarmen» birlesip jumys istegen sheneýnikterdiń esime túsip turǵany...
Arman QANI,
Pavlodar qalasy.
