Shymkent aýmaǵynan ótip bara jatqan tranzittik kólik júrgizýshisinen koronavirýs anyqtaldy. Bul týraly qalalyq tótenshe jaǵdai shtaby málimet taratty, dep habarlaidy "Ult aqparat".
«Naýqas 1964 jyly týǵan Túrkistan oblysy, Maqtaaral aýdanyna qarasty Atakent eldi mekeniniń turǵyny ekeni anyqtaldy. Ol 28 naýryz kúni Shymkent qalalyq juqpaly aýrýlar aýrýhanasyna jatqyzylǵan. Aýyr júk kóliginiń júrgizýshi «Máskeý-Almaty» baǵytynda jol júrip bara jatqanda ystyǵy kóterilip, dáriger kómegine júgingen. Nátijesinde shuǵyl aýrýhanaǵa jetkizilgen. Al, tranzittik kólikti ary qarai aidap ketken uly Almaty qalasynda oqshaýlanyp, statsionarǵa jatqyzylǵan. Bul Shymkentte tirkelgen 13-jaǵdai bolyp otyr» delingen habarlamada.
