شىمكەنت اۋماعىنان ٶتٸپ بارا جاتقان ترانزيتتٸك كٶلٸك جٷرگٸزۋشٸسٸنەن كوروناۆيرۋس انىقتالدى. بۇل تۋرالى قالالىق تٶتەنشە جاعداي شتابى مەلٸمەت تاراتتى, دەپ حابارلايدى "ۇلت اقپارات".
«ناۋقاس 1964 جىلى تۋعان تٷركٸستان وبلىسى, ماقتاارال اۋدانىنا قاراستى اتاكەنت ەلدٸ مەكەنٸنٸڭ تۇرعىنى ەكەنٸ انىقتالدى. ول 28 ناۋرىز كٷنٸ شىمكەنت قالالىق جۇقپالى اۋرۋلار اۋرۋحاناسىنا جاتقىزىلعان. اۋىر جٷك كٶلٸگٸنٸڭ جٷرگٸزۋشٸ «مەسكەۋ-الماتى» باعىتىندا جول جٷرٸپ بارا جاتقاندا ىستىعى كٶتەرٸلٸپ, دەرٸگەر كٶمەگٸنە جٷگٸنگەن. نەتيجەسٸندە شۇعىل اۋرۋحاناعا جەتكٸزٸلگەن. ال, ترانزيتتٸك كٶلٸكتٸ ارى قاراي ايداپ كەتكەن ۇلى الماتى قالاسىندا وقشاۋلانىپ, ستاتسيونارعا جاتقىزىلعان. بۇل شىمكەنتتە تٸركەلگەن 13-جاعداي بولىپ وتىر» دەلٸنگەن حابارلامادا.
