Qazaqstan Respýblikasynyń Tuńǵysh Prezidenti Nursultan Nazarbaevtyń «Uly dalanyń jeti qyry» baǵdarlamasy aiasynda Shymkenttegi «Jeńis» saiabaǵynda ádebi-mádeni «Poeziia buryshynyń» ashylý saltanaty ótti, dep habarlaidy "Ult aqparat".
Aita ketken jón, jaqynda ǵana qala ákiminiń bastamasymen ádebiet salasynda qalamyn ushtap júrgen shyǵarmashyl jastardyń úzdik týyndylary jinaqtalǵan «Jańa ǵasyr áýenderi» atty jas aqyndar antologiiasy jaryq kórgen edi.
Al «Poeziia buryshynda» aldaǵy ýaqytta qala turǵyndary arasynda mádenietti nasihattaý men damytýǵa baǵyttalǵan ádebi keshter, jazýshylar jáne aqyndarmen kezdesýler, shyǵarmashylyq is-sharalar men filosofiialyq dárister ótkiziletin bolady.
Saltanatty jiynǵa Shymkent qalasy ákimi Erlan Aitahanov arnaiy kelip, qalamger jastarǵa ystyq lebizin jetkizip, shyǵarmashylyq shabyt tiledi.
Kesh qonaǵy QR Memlekettik syilyǵynyń laýreaty, QR eńbek sińirgen qairatkeri, QR Jazýshylar odaǵynyń tóraǵasy Ulyqbek Esdáýlet sóz alyp, quttyqtaýyn jetkizdi.
Jiyn sońynda jyr ólkesine nyq qadam basqan Súndet Seiitov, Arailym Muratalieva, Maqpal Tórebek jáne ózge de jas aqyndarǵa úlkender sáttilik tiledi.
