قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆتىڭ «ۇلى دالانىڭ جەتٸ قىرى» باعدارلاماسى اياسىندا شىمكەنتتەگٸ «جەڭٸس» ساياباعىندا ەدەبي-مەدەني «پوەزييا بۇرىشىنىڭ» اشىلۋ سالتاناتى ٶتتٸ, دەپ حابارلايدى "ۇلت اقپارات".
ايتا كەتكەن جٶن, جاقىندا عانا قالا ەكٸمٸنٸڭ باستاماسىمەن ەدەبيەت سالاسىندا قالامىن ۇشتاپ جٷرگەن شىعارماشىل جاستاردىڭ ٷزدٸك تۋىندىلارى جيناقتالعان «جاڭا عاسىر ەۋەندەرٸ» اتتى جاس اقىندار انتولوگيياسى جارىق كٶرگەن ەدٸ.
ال «پوەزييا بۇرىشىندا» الداعى ۋاقىتتا قالا تۇرعىندارى اراسىندا مەدەنيەتتٸ ناسيحاتتاۋ مەن دامىتۋعا باعىتتالعان ەدەبي كەشتەر, جازۋشىلار جەنە اقىندارمەن كەزدەسۋلەر, شىعارماشىلىق ٸس-شارالار مەن فيلوسوفييالىق دەرٸستەر ٶتكٸزٸلەتٸن بولادى.
سالتاناتتى جيىنعا شىمكەنت قالاسى ەكٸمٸ ەرلان ايتاحانوۆ ارنايى كەلٸپ, قالامگەر جاستارعا ىستىق لەبٸزٸن جەتكٸزٸپ, شىعارماشىلىق شابىت تٸلەدٸ.
كەش قوناعى قر مەملەكەتتٸك سىيلىعىنىڭ لاۋرەاتى, قر ەڭبەك سٸڭٸرگەن قايراتكەرٸ, قر جازۋشىلار وداعىنىڭ تٶراعاسى ۇلىقبەك ەسدەۋلەت سٶز الىپ, قۇتتىقتاۋىن جەتكٸزدٸ.
جيىن سوڭىندا جىر ٶلكەسٸنە نىق قادام باسقان سٷندەت سەيٸتوۆ, ارايلىم مۇراتاليەۆا, ماقپال تٶرەبەك جەنە ٶزگە دە جاس اقىندارعا ٷلكەندەر سەتتٸلٸك تٸلەدٸ.
