Shymkentte Qazaqstan kommýnistik halyq partiiasy «Halyqtyń áleýmettik osal toptaryna áleýmettik turǵyn úi berý qoǵamnyń baqylaýyna!» taqyrybynda dóńgelek ústel ótkizdi. Basqosýda partiia ókilderi áleýmettik osal toptarǵa turǵyn úi berý isine qoǵamdyq baqylaý júrgiziletinin jetkizdi, dep habarlaidy "Ult aqparat".
Aita keteiik, biyl megapoliste arendalyq úilerdiń qurylysy úshin 39,5 mlrd teńge bólinip otyr. Onyń maqsatty jumsalýyn partiia qoǵam belsendileri, úkimettik emes uiym múshelerimen birlesip qadaǵalamaq. Sondai-aq, kommýnister basqosýda ipotekalyq nesielerdiń bastapqy jarnasyn tómendetý týraly da bastama kóterdi. Sebebi partiia músheleri halyq arasynda baspana máselesi boiynsha saýalnama júrgizgen. Nátijesinde jaǵdaiy tómen otbasylarǵa alǵashqy jarna úshin 20 paiyzdyń ózi aýyr tietindigi belgili bolǵan. Sol sebepti memleket ony 10 paiyzǵa túsirse degen usynysta joq emes.
«Bizdiń maqsat –jańaǵy osy qyrýar aqshanyń maqsatty jumsalýyn baqylaý bolmaq. Máselen, nesielik qurylysqa 390 mlrd teńge bólingen. «Nurly Jer» baǵdarlamasy boiynsha 35 mlrd teńge qarastyrylǵan. Osylarǵa qoǵamdyq baqylaý kerek dep oilaimyz. Onyń ishine qoǵamdyq belsendiler, partiialar Úkimettik emes uiymdar. Endi 3-6 aida ma qoǵamdyq talqylaý tyńdaý jasaý kerek dep oilaimyz», - deidi Qazaqstan kommýnistik halyq partiiasy
Shymkent qalalyq komitetiniń birinshi hatshysy Nurlan Qadyrqulov.
Partiia músheleri jiynda «7-20-25» baǵdarlamasy boiynsha satyp alýǵa bolatyn jańadan salynǵan páterler sanynyń jetkiliksizdigi máselesin kóterdi. Sebebi, atalǵan baǵdarlamaǵa ekinshi rettik turǵyn úi men jańadan salynyp jatqan turǵyn úi de kirmeidi.
«Turǵyn úi máselesin jappai sheshý jáne qoljetimdi ipotekalyq nesie berý baǵdarlamasyn qurý ideiasy jaqsy ekenin atap ótkim keledi. «7-20-25» boiynsha nesie alǵan 1 500 otbasydan ǵana turǵyn úimen problemalar týyndaityny sózsiz. Mundai adamdar áldeqaida kóp. Búgingi tańda baǵdarlamamen, qurylys salýshylarmen, azamattarmen jáne banktermen bailanysty problemalar bar ekeni belgili. Sondyqtan osy sekildi eń qarapaiym máselelerdi sheshýge kúsh salýymyz kerek»,- deidi Nurlan Qadyrqulov.
