Shymkenttegi «Qiial álemi» tehnoparkinde 55 jastaǵy er adamnyń ólimine bailanysty qylmystyq is qozǵaldy. Bul týraly qalalyq Politsiia departamentiniń baspasóz qyzmeti málimet taratty, dep habarlaidy QazAqparat.
«Shymkent qalalyq Ál-Farabi aýdanynyń Politsiia basqarmasymen «Qiial álemi» saiabaǵynda 1966 jylǵy azamat atraktsionǵa otyryp, qaitys bolǵandyǵy boiynsha tergep-tekserý amaldary júrgizilýde. Bastapqy meditsinalyq anyqtamaǵa sáikes, júregi toqtap qalǵan bolýy múmkin. Qazirgi tańda sot-meditsinalyq saraptamasy taǵaiyndaldy» delingen qalalyq Politsiia departamentiniń habarlamasynda.
Aita keteiik, qaiǵyly oqiǵa 22 qyrkúiekte keshki saǵat toǵyz shamasynda oryn alǵan edi. «Qiial álemi» tehnoparkinde er adam «Balǵa» attraktsionyna mingen kezinde esinen tanǵan. Oqiǵa ornyna jedel járdem kelgenimen dárigerler er adamdy qutqaryp qala almady.
Bul «Qiial álemi» tehnoparkinde bolǵan alǵashqy oqiǵa emes. Osy jyldyń mamyr aiynda 17 jastaǵy jasóspirim oqys oqiǵadan qaza tapqan bolatyn. Jas jigit attraktsionnyń metall konstrýktsiialaryna kóterilgende, qulap túsken edi. Ol jedel járdem kelgenshe qaitys bolǵan.
