Foto: ashyq derekkóz
Shymkent qalasyndaǵy sýmen jabdyqtaý nysandaryn 2004 jyldan beri «Sý resýrstary – Marketing» JShS basqarǵan. Memlekettiń úlesi 22%-dy quraityn bul kompaniianyń qyzmetin QMA Shymkent qalasy boiynsha departamenti qarjylyq taldaý nátijesinde kúmándi qarjy operatsiialary men shyǵyn belgilerin anyqtady, dep habarlaidy Ult.kz.
Sýmen jabdyqtaý salasyndaǵy zań buzýshylyqtar, onyń ishinde Sý kodeksiniń talaptaryn oryndamaý, jekeshelendirý kezindegi protsedýralyq aýytqýlar jáne tiimsiz basqarý faktileri tirkeldi. Osyǵan bailanysty materialdar nysandardy memleket menshigine qaitarý maqsatynda ákimdikke jiberildi.
Shymkent qalasynyń mamandandyrylǵan aýdanaralyq ekonomikalyq soty nysandardy jekeshelendirýdi jaramsyz dep taýyp, olardy memleket menshigine qaitarý týraly sheshim shyǵardy. Ákimdik málimetinshe, bul sheshimniń nátijesinde sýmen jabdyqtaý tarifi 30%-ǵa tómendeýi múmkin.
