Shymkentte boijetkendi májbúrlep alyp qashý faktisin Adam quqyqtary jónindegi ýákil Artýr Lastaev óz baqylaýyna aldy, dep habarlady Otyrar.kz.
Ombýdsmenniń baspasóz qyzmetiniń habarlaýynsha, kúdiktige qatysty 2 ai merzimge qamaýǵa alý túrindegi bultartpaý sharasy tańdaldy, tergeý amaldary júrgizilýde.
Adam urlaý deregine qoldanystaǵy qylmystyq zańnamanyń normalaryna sáikes, múlkin tárkileýmen nemese onsyz 7 jyldan 12 jylǵa deiingi merzimge bas bostandyǵynan aiyrý túrindegi jaýaptylyq kózdelgen.
Qyzdy urlaý isi boiynsha jumysqa Adam quqyqtary jónindegi ýákildiń Shymkent qalasy boiynsha ókili de qosyldy.
"Adam quqyqtary jónindegi ýákil keńsesi turmystyq zorlyq-zombylyq pen áielder quqyǵynyń buzylýy máselesine taldaý jasaýda. Májbúrlep nekege turǵan qyzdar kóbinese seriktesteriniń jynystyq, fizikalyq jáne psihologiialyq zorlyq-zombylyqtyń qurbany bolady. Keide májbúrli kúieýge berý qyzdardy bilim men mamandyq alý múmkindiginen aiyrady. Bul olardyń onsyz da osal jaǵdaiyn odan ári nasharlatady. Shymkenttegi is – óreskel quqyqbuzýshylyq, biz ony baqylaýǵa aldyq", – dedi ombýdsmen Artýr Lastaev.
Eske salsaq, Mańǵystaý oblysynyń 22 jastaǵy turǵyny Shymkentke ǵalamtor arqyly tanysqan qyzǵa úilený maqsatynda baryp, boijetkendi májbúrlep alyp qashqan bolatyn. Bul sát kóshedegi beinebaqylaý kamerasyna túsip qalǵan.
Oqiǵa tańǵy ýaqytta bolǵan. Jas jigit boijetken diplomaldy praktikadan ótip júrgen meditsina mekemesine baryp, ondaǵylarǵa ózin kýrer retinde tanystyrǵan. Sodan stýdent qyzdan syrtqa shyǵýyn surap, ony kólikke otyrǵyzyp áketken.
Mańǵystaýlyq turǵyn jarty táýlik ishinde Almaty-Samara tas jolynda Jalaǵash aýylynyń mańynda ustaldy. Onyń ústinen Qylmystyq kodekstiń 125-baby 2-bóligi 1-tarmaǵy negizinde (Adam urlaý) is qozǵaldy.
