Foto: Shymkent qalasy Tótenshe jaǵdailar departamenti
Shymkentte laminat saqtaityn qoimada órt shyqty, - dep habarlaidy "Ult aqparat" Shymkent TJD qoǵammen bailanys tobyna silteme jasap.
20 shilde saǵat 19:47-de Shymkent qalasy Tótenshe jaǵdailar departamenti "101" dispetcherlik pýltine Ál-Farabi aýdany, Rashidov kóshesindegi "Darhan" bazary aýmaǵynda órt shyqqany týraly habarlama kelip túsken.
"Jeke ornalasqan kólemi 150 sharshy metr bolatyn bir qabatty laminat saqtaityn qoima ishinde laminat jandy. Órt saldarynan 1 dana júk kótergish zaqymdanǵan.
Órt saǵat 20:16-da oqshaýlanyp, saǵat 21:16-da tolyǵymen sóndirildi. Zardap shekkender men qaitys bolǵandar joq.
Órttiń shyǵý sebebi men materialdyq shyǵynnyń kólemi anyqtalyp jatyr", - delingen habarlamada.
Órtti sóndirýge Shymkent qalasy TJD Órt sóndirý qyzmetiniń 58 qyzmetkeri men 14 tehnikasy, Apattar meditsina ortalyǵy filialynyń 1 brigadasy jumyldyrylǵan.
