فوتو: شىمكەنت قالاسى تٶتەنشە جاعدايلار دەپارتامەنتٸ
شىمكەنتتە لامينات ساقتايتىن قويمادا ٶرت شىقتى, - دەپ حابارلايدى "ۇلت اقپارات" شىمكەنت تجد قوعاممەن بايلانىس توبىنا سٸلتەمە جاساپ.
20 شٸلدە ساعات 19:47-دە شىمكەنت قالاسى تٶتەنشە جاعدايلار دەپارتامەنتٸ "101" ديسپەتچەرلٸك پۋلتٸنە ەل-فارابي اۋدانى, راشيدوۆ كٶشەسٸندەگٸ "دارحان" بازارى اۋماعىندا ٶرت شىققانى تۋرالى حابارلاما كەلٸپ تٷسكەن.
"جەكە ورنالاسقان كٶلەمٸ 150 شارشى مەتر بولاتىن بٸر قاباتتى لامينات ساقتايتىن قويما ٸشٸندە لامينات جاندى. ٶرت سالدارىنان 1 دانا جٷك كٶتەرگٸش زاقىمدانعان.
ٶرت ساعات 20:16-دا وقشاۋلانىپ, ساعات 21:16-دا تولىعىمەن سٶندٸرٸلدٸ. زارداپ شەككەندەر مەن قايتىس بولعاندار جوق.
ٶرتتٸڭ شىعۋ سەبەبٸ مەن ماتەريالدىق شىعىننىڭ كٶلەمٸ انىقتالىپ جاتىر", - دەلٸنگەن حابارلامادا.
ٶرتتٸ سٶندٸرۋگە شىمكەنت قالاسى تجد ٶرت سٶندٸرۋ قىزمەتٸنٸڭ 58 قىزمەتكەرٸ مەن 14 تەحنيكاسى, اپاتتار مەديتسينا ورتالىعى فيليالىنىڭ 1 بريگاداسى جۇمىلدىرىلعان.
