Sýret: azattyq-ruhy.kz
Shymkentte balalar úiinen eki tárbielenýshi qashyp ketti. Bul jaǵdaidy qalalyq bilim basqarmasy rastap otyr. Basqarmanyń baspasóz qyzmeti taratqan málimetke súiensek, eki qyz 16 aqpan kúni keshki saǵat 21:45 shamasynda ómirlik qiyn jaǵdaida júrgen balalardy qoldaý ortalyǵynan shyǵyp ketken. Ázirge qaita oralǵan joq, dep habarlaidy Azattyq Rýhy otyrar.kz-ke silteme jasap.
«Mekeme qyzmetkerleri der kezinde baiqap Shymkent qalasynyń politsiia departamentine jáne 102 qabyldaý ortalyǵyna habarlaǵan. Búgingi tańda Shymkent qalasynyń politsiia departamenti men Shymkent qalasynyń Abai, Ál-Farabi, Eńbekshi, Qarataý aýdandyq politsiia basqarmalaryna kámeletke tolmaǵan qyzdarǵa qatysty «Izdeý» jumystaryn júrgizý týraly bilim basqarmasy tarapynan da hattar joldandy», - deidi Shymkent qalalyq bilim basqarmasynyń baspasóz qyzmeti.
Qalalyq politsiia departamenti qazir eki jasóspirimdi izdeý jumystary júrip jatqanyn habarlady. Tártip saqshylary barlyq beinekameralardy baqylap, olar júrýi múmkin oryndardy tekserýde.
Aita keteiik, joǵalyp ketken qyzdyń biri 13 jasta, biri 15-te eken. Olar Barqyt kóshesinde ornalasqan №3 balalar úiinen belgisiz baǵytqa shyǵyp ketken. Ázirge olardyń mundai qadamǵa nelikten barǵany belgisiz.
«16 aqpan kúni Turan aýdanynyń politsiia basqarmasyna №3 balalar úiinen 2007 jáne 2009 jyly týǵan tárbielenýshiler belgisiz baǵytta shyǵyp ketkeni týraly habarlama tústi. Jasóspirimderdiń joǵalý jaity Sotqa deiingi tergep-tekserýlerdiń biryńǵai tizilimine tirkeldi. Qazirgi ýaqytta politsiia qyzmetkerleri qyzdardyń júrgen jerin anyqtaýǵa baǵyttalǵan barlyq qajetti is-sharalardy júrgizýde», - dedi Shymkent qalalyq politsiia departamentiniń resmi ókili, baspasóz hatshysy Móldir Bekeeva.
