Shymkent qalasyndaǵy aimaqtyq áleýmettik-innovatsiialyq ýniversitette jospardan tys tekserý aiaqtaldy.
Bul týraly QR Bilim jáne ǵylym ministrligi baspasóz qyzmetinen málim etti, dep habarlaidy "Ult aqparat".
«2019 jyldyń tamyz aiyndaǵy jospardan tys tekserý qorytyndysy boiynsha ýniversitettiń bilim berý qyzmetinde Qazaqstan Respýblikasynyń bilim berý salasyndaǵy zańnamasynyń talaptaryn buzý, onyń ishinde 20 óreskel zańbuzýshylyq anyqtalǵan. Buzýshylyqtardy joiýdy baqylaý turǵysynan jospardan tys tekserý JOO-nyń 15 buzýshylyǵy joiylmaǵanyn anyqtady. Atap aitqanda, ondai áreketter talapkerlerdi qabyldaý kezinde belgili boldy. Sondai-aq, bilim berý qyzmetterin kórsetý boiynsha kelisimshart túsý emtihandaryna deiin jasalǵandyǵy anyqtaldy. Máselen, talapker men ýniversitet arasynda kelisimshart 9 maýsym kúni jasalsa, ýniversitetke túsý úshin áńgimelesý 2019 jylǵy 15 tamyz kúni júrgizilgen», - delingen ministrlik málimetinde.
Vedomstvonyń habarlaýynsha, Shymkent qalasyndaǵy aimaqtyq áleýmettik-innovatsiialyq ýniversitetiniń túlekterine eńbek naryǵynda suranys joq. 2018 jylǵy 8152 túlektiń 10 paiyzy kúndizgi, 77 paiyzy keshki jáne 13 paiyzy syrttai oqyǵan. Bul rette bitirýshilerdi daiarlaý baǵyttary boiynsha jumysqa ornalastyrý 0-den 41 paiyz aralyǵynda.
«Tekserý barysynda sabaq kestesin saqtamaý faktileri tirkelgen. Tekserý kezinde sabaqqa oqytýshy men stýdentter qatyspaǵan da jaǵdailar bolǵan. Sonymen qatar, dáristerdi ǵylymi dárejesi joq aǵa oqytýshylar oqityndyǵy belgili boldy. Tekserý qorytyndysy boiynsha materialdar sotqa jiberilip, bilim berý qyzmetin júrgizý quqyǵyna litsenziiadan aiyrý máselesi qarastyrylatyn bolady», - dep naqtylady baspasóz qyzmeti.
