Foto: Otyrar.kz
Shymkentte atys shyǵarǵan kúdiktini dereý áreket etip ustaǵan politsei Arman Áripjanovqa erligi úshin jalaqysynyń eki eselengen kóleminde syiaqy berildi, - dep habarlaidy Massaget.kz portaly "Otyrar" saityna silteme jasap.
Atys kezinde Arman oqiǵa ornyna jaqyn jerde jumysta bolǵan. Politsiia kapitany kóshede atys daýysyn estip, kúdiktiniń nazaryn aýdaryp, ony ustap alǵan. Tártip saqshylarynyń sózinshe, qarýlanǵan kúdikti Armandy atyp jibermek bolǵan.
"Ol ýaqytta áriptesimmen jumysta beinebaqylaý kamerasyn qarap, urlaý derekterin zerttep jatqanbyz. Atysty estip, birden kóshege shyqtym, stýdentter kóp júrdi, olarǵa qashý keregin aittym. Artynsha, kúdiktiniń artynan júrip, sol sátti paidalanyp, patrýl kóliginiń qasynda ustap aldym. Sol kezde ol meni atyp jibermek boldy. Qoryqqan joqpyn, óz jumysymdy istedim ǵoi. Bastysy, kúdiktiniń qarýyn tartyp alý kerek boldy", - deidi Arman Áripjanov.
