Foto: otyrar.kz
Shymkentte erekshe oqiǵa boldy. Taksi júrgizýshisi jolaýshy áieldiń bosanýyna kómektesti, - dep habarlaidy Tengrinews.kz portaly Otyrar.kz-ke silteme jasap.
Júrgizýshi Alisher Makkamovtyń aitýynsha, oqiǵa saǵat 18:00-de bolǵan, ol ádettegidei tapsyrys boiynsha kelgen. Salonǵa eki kishkentai balasy bar áiel otyrǵan, al birneshe minýttan keiin onyń tolǵaǵy bastalǵan.
"Men oǵan perzenthanaǵa jetkizýdi usyndym, biraq ol bas tartty, úige barý kerek dedi. Sodan keiin men jedel járdem shaqyryp, onyń kelýin kútýdi sheshtim. Osy ýaqytta áielden sý ketti", - dedi júrgizýshi.
Keiin jolaýshy kóliktiń salonynda bosanǵan, al biraz ýaqyttan keiin jedel járdem jetken. Anasy men balasy saý.
