Shymkentte «Ulttyq dombyra kúni» merekesine orai «Dombyra» eskertkishiniń ashylý saltanaty ótti, dep habarlaidy qala ákiminiń baspasóz qyzmeti.
Sharaǵa qatysqan qala ákimi Ǵ.Ábdirahymov qasietti qara dombyra - qazaqtyń rýhy jáne bolmysy ekenin atap ótti.
«Túrkistan» saraiynyń alańynda ulttyq aspabymyzdy ulyqtaý maqsatynda ornatylǵan eskertkishtiń avtory - Shymkent qalasynyń sýretshiler odaǵy. Týyndynyń biiktigi 7,5 metr, eni 1,5 metr.
Eskertkishtiń bir ereksheligi - janyna jaqyndaǵan kezde qazaqtyń kúii oryndalady. Shymkenttikter endi munda 30-ǵa jýyq kúi tyńdap, aspaptyń qońyr úninen tamasha áser ala alady.
Merekelik sharada jergilikti ónerpazdar san syrly kúi áýenimen tyńdarmandarǵa erekshe kóńil-kúi syilady.
Eske salsaq, Elbasy Nursultan Nazarbaev shildeniń birinshi jeksenbisin «Dombyra kúni» dep belgilep, 2018 jyly 13 maýsym kúni jarlyqqa qol qoiǵan bolatyn.
