Shymkentte jedel járdem qyzmetine júginýshiler sany azaiǵan. Bul týraly qalalyq densaýlyq saqtaý basqarmasy málimdedi, dep habarlaidy Habar24.
Osydan apta buryn bir kúnde turǵyndardan 2142 qońyraý kelip túsetin bolsa, qazir bul san 1839-dy qurap otyr. Jaz bastalǵaly qala halqynyń JRVI jáne pnevmoniiamen kóp aýyrǵandyǵy baiqalǵan. Qalada jalpy epidemiologiialyq ahýal qalypqa túse bastady deidi ákimdiktegiler. Shahar aýmaǵynda barlyq 24 aýrýhanaǵa bir kúnde 1200 óttekti ballon qajet. Osyǵan qarai qazirgi tańda Shymkent qalasynda óttegi óndiretin 5 mekememen kelisimshart jasalyp, ballondar aýrýhanalarǵa turaqty túrde jetkizilýde. Al dári-dármek boiynsha Resei, Ýkraina, Túrkiia, Ózbekstan taǵy basqa elderdiń kompaniialarymen kelisý arqyly dári-dármekter qalaǵa jetkizilip jatyr. Al dərilerdiń baǵasyn turaqtandyrý úshin qurylǵan 4 monitoringtik top búginge deiin 50 zańbuzýshylyq faktisin anyqtaǵan. Sonymen qatar kelesi aptada Reseiden tájiribe almasý úshin ári kómek berý úshin 5 maman, Túrkiia elinen 10 maman keledi dep kútilýde.
«Alǵashqy kezekte qalada infektsiialyq aýrýhanalar sanyn kóbeittik. Buryn 490 tósek oryn bolatyn bolsa, oǵan qosymsha 160 tósek oryn ashylyp, 650-ge ulǵaittyq. Odan keiin ekinshi provizorlyq statsionarlar onda 1320 tósek oryn bolatyn bolsa, qazirgi kezde 3210 tósek orynyna deiin kóbeittik»,-deidi qala ákiminiń birinshi orynbasary Erbol Sadyr.
