Qaznette shymkenttik sheneýnikter tóbelesi delingen video jariialandy, - dep habarlaidy Tengrinews.kz tilshisi Aibat jańalyqtar qyzmetine silteme jasap.
Tóbeleske qatysýshylardyń biri - Shymkenttiń bas ekology Orazǵali Egemberdiev-mys. Rastalmaǵan aqparatqa sáikes, ekinshi er adam - onyń qolastyndaǵy qyzmetkeri.
Jelige aqparatty jýrnalist Mihail Kozachkov jariialady. Onyń aitýynsha, oqiǵa túnde jeke úidiń aýlasynda bolǵan. Tóbeles syrtqy baqylaý kameralaryna túsip qalǵan. Videoǵa qaraǵanda, janjalǵa deiin er adamdar alkogol ishken.
Ekologiia ministrligi oqiǵa boiynsha qyzmettik tekseris bastady. Vedomstvo ókilderi tekseris aiaqtalǵansha túsinik berýden bas tartyp otyr.
Bul kadrlardy Memlekettik qyzmet isteri agenttigi de teksermek. "Departamentimizge osy másele boiynsha aqparat tústi. Qazir derekter jinap jatyrmyz. Ázirge aqparat bere almaimyz", - dedi Shymkent memlekettik qyzmet isteri agenttigi departamentiniń bas mamany Qazybek Erbolat.
